ހައުސިންގ މިނިސްޓަރު ކަމުގައި ފެބްރުއަރީ 2012 އިން ނޮވެމްބަރު 2018 އަށް ހުންނެވި، މިހާރުގެ ރައީސުލްޖުމްހޫރިއްޔާ ޑރ.މުޙައްމަދު މުޢިއްޒު ހިންގާފައިވާ ކޮރަޕްޝަންގެ މައްސަލަތައް އެންޓި ކޮރަޕްޝަން ކޮމިޝަން އިން ބަލަމުންދާކަމަށް މަޢުލޫމާތު ލިބިއްޖެއެވެ.

ރައީސް މުއިއްޒުއާ ދެކޮޅަށް 07 ކޮރަޕްޝެންގެ މައްސަލައެއް އޭ.ސީ.ސީން ބަލަމުންދާކަމަށް "ހަސަން ކުރުސީ" އޭނާގެ އެކްސް އެކައުންޓްގައި ޕޯސްޓް ކޮށްފައިވެއެވެ.

އެ ކޮމިޝަނުން ބަލަމުންދާ މައްސަލަތަކުގެ ތެރޭގައި ހިޔާ ފްލެޓް މަޝްރޫއާއި ގުޅުން ހުރި މައްސަލަތަކާއި، ހައުސިންގ މިނިސްޓަރު ކަމުގައި ހުންނެވި ދުވަސްވަރު ސަރުކާރުގެ ބައެއް ޕްރޮޖެކްޓްތަކާއި އަދި ރައީސް މުޢިއްޒު ހިންގާފައިވާ މާލީ ބައެއް މުޢާމަލާތްތަކުގައި ރިޝްވަތާއި މަޤާމުގެ ނުފޫޒު ބޭނުންކޮށްގެން ކޮރަޕްޝަންއަށް މަގުފަހިވާފަދަ ޢަމަލުތަކުގެ މައްސަލަތައް ހިމެނެއެވެ.

މީގެ އިތުރުންވެސް ޑރ މުހައްމަދު މުއިއްޒުގެ އެކައުންޓަށް މިނިސްޓަރ ކަމުގައި ހުންނެވިއިރު ރާއްޖޭގައި ކުރިއަށް ދިޔަ އެކި މަޝްރޫޢުތައް ހިންގި ބައެއް ކުންފުނިތަކުން ގިނަ އަދަދެއްގެ ފައިސާތައް ޖަމާކޮށްފައިވާ ކަމަށްވެސް މީގެ ކުރިންވެސް ވާހަކަދެކެވިފައިވެއެވެ.

ރައީސްގެ މުޢިއްޒުގެ ކޮރަޕްޝަން އާއި ގުޅުން ހުރި މައްސަލަތައް ކަމާއި ބެހޭ އިދާރާތަކުގެ ސަމާލުކޮށް އޮތީ އައިސްފައިވެއެވެ.

މި ދުވަސްވަރުގައި އެންޓި ކޮރަޕްޝަން ކޮމިޝަން އިން އެ ކޮމިޝަނަށް މިފަދަ މައްސަލަތައް ހުށަހެޅިފައިވާކަން ޔަގީންކޮށްފައިވެއެވެ. މަތީގައި ދެންނެވިފައިވާ މައްސަލަތައް މިހާރުވެސް އޭސީސީގައި އެބަ އޮތެވެ.