މިދިޔަ އަހަރުގެ އޮކްޓޯބަރު 1 ވަނަ ދުވަހު ބޭއްވި ކެބިނެޓު ބައްދަލުގެ ޔައުމިއްޔާ އާންމުކުރަން ކެރިވަޑައިގަންނަވާނެތޯ އައްސަވާ ޕިއެންއެފްގެ ސެކެރެޓަރީ ޖެނެރަލް މުހައްމަދު މަލީހު ޖަމާލު ޗެލެންޖެއް ރައީސް ޑރ. މުހައްމަދު މުއިއްޒަށް ކުރައްވައިފިއެވެ.

ޕީއެންއެފުން ރޭ ބެއްވި ޖަގަހަ ޖަލްސާގައި ވާހަކަ ދައްކަވަމުން މަލީހު ވަނީ ރައީސް އަބްދުﷲ ޔާމީންގެ އިސްތިއުނާފް ލަސްވަމުންދާ ދިއުން ޖޭއެސްސީއަށް ހުށަހަޅާނެ ކަމަށް އެމްޑީޕީއިން ބުނުމުން ޕީއެންސީއިން އެކަމާ ފާޑުކިޔަމުން ގެންދާތީ މަލީހު ވަނީ ޕީއެންސީއިން ރައީސް ޔާމީން މިނިވަން މަސައްކަތްނުކުރާކަމުގެ ދަލީލަކީ ބާރުތައް އޮވެ އެކަން ލަސްވާ ލަސްވުންވެސް އަހާލާ ބަލާނުލުން ކަމަށެވެ.

އެގޮތުން މަލީހުވަނީ ރޭގައި ރައީސް މުއިއްޒުގެ ބައެއް ވާހަކަތައް ރައްޔިތުންނާ ހަމައަށް ތިލަކޮށް ދެއްވާފައެވެ. މަލީހު ވިދާޅުވީ އިންތިގާލީ މަރުހަލާގައި ރައީސް މުއިއްޒު ވަނީ ރައީސް ޔާމީން މިނިވަން ނުކުރަން ރައީސް އިބްރާހިމު މުހައްމަދު ސޯލިހުގެ އަރިހުގައި އެދިފައި ކަމަށާ އެކަން 1 އޮކްޓޯބަރ 2023ގެ ކެބިނެޓު ބައްދަލުވުމުގެ ޔައުމިއްޔާއިން ހާމަވާނެ ކަމަށާ އެ ޔައުމިއްޔާ ރައްޔިތުންނާ ހަމައަށް ތިލަކޮށްދޭން ރައީސް މުއިއްޒަށް ކެރިވަޑައިގަންނަވާނެތޯ އައްސާވާފައެވެ.

މަލީހު އިތުރަށް ވިދާޅުވީ ރައީސް ޔާމީނަށް އަނިޔާދީ އެމަނިކުފާނު އެކަހެރިކުރުމަކީ ޕީޕީއެމް ޕިއެންސީ ތެރޭގައި އޭރު ތިބި ލީޑަރުންގެ އަބަދުވެސް ރޭވުމެއް ކަމަށާ އެހެންނަމަވެސް ސިޔާސީ ގޮތުން ރައީސް ޔާމީން ބަލިކަށިކޮށް ލުމަކީ ކުރެވޭނެ ކަމެއް ނޫން ކަމަށެވެ.