ޖަލުގައި އޮންނެވި މުއްދަތުގައި ޕީއެންސީ/ޕީޕީއެމްގެ ލީޑަޝިޕުން، އިހުލާސްތެރިކަމާއެކު މަސައްކަތް ކުރެއްވީ ހަމައެކަނި މިހާރުގެ ނައިބު ރައީސް، ހުސެއިން މުހައްމަދު ލަތީފާއި ލޯކަލް ގަވަމެންޓު މިނިސްޓަރު، އާދަމް ޝަރީފާއި މަހިބަދޫ ދާއިރާގެ މެމްބަރު އަހުމަދު ތޯރިގު (ޓޮމް) ކަމަށް ރައީސް އަބްދުﷲ ޔާމީން އަބްދުލްގައްޔޫމް ވިދާޅުވެއްޖެ އެވެ.

ރައީސް ޔާމިން މިފަދައިން ވިދާޅުވީ ބުދަ ދުވަހުގެ ރޭ ފްރޮންޓް އޮފީހުގައި ކުރިޔަށް ގެންދިޔަ ޖަލްސާގައި ވާހަކަދައްކަވަމުންނެވެ.

އެގޮތުން ޖަލުގައި އޮންނެވި މުއްދަތުގައި އެމަނިކުފާނުގެ ދިފާއުގައި މަސައްކަތް ކުރެއްވި ބޭފުޅުންގެ ހަބަރުތައް ބަރާބަރަށް ލިބިވަޑައިގަންނަވާކަން އެމަނިކުފާނު ފާހަގަކުރެއްވިއެވެ.

އިތުރަށް އެމަނިކުފާނު ވިދާޅުވީ މިއަދު އެބޭފުޅުންގެ ވިސްނުމަށާއި ފިކުރު ބަދަލުވެފައިވިޔަސް ހެޔޮ ހިތުން މަސައްކަތެއް ކޮށްދެއްވި ނަމަ އެ ބައެއްގެ މަސައްކަތް ބަލައިގަންނަން ޖެހޭނެ ކަމަށެވެ.