ވެލާނާ އިންޓަނޭޝަނަލް އެއާޕޯޓްގައި ހުރި ޖަނެރޭޓަރުތަކަށް މައްސަލަތައް ދިމާވެ މިއަދު ހެނދުނު ވަނީ އެއާޕޯޓުން 8:30 ހާއިރު ކަރަންޓް ކެނޑިފައެވެ.
އެއާޕޯޓުން ކަރަންޓް ކެނޑުމުގެ ސަބަބުން ޚިދުމަތްތަކަށް ވަނީ ބުރޫއަރައިފައެވެ. މިއަދު އެކަނިވެސް 40 އަށްވުރެ ގިނަ ޑޮމެސްޓިކް ފްލައިޓްސް ޝެޑިއެލްކުރެވިފައިވާއިރު ކަރަންޓް ކެނޑުމުގެ ސަބަބުން ވަނީ ބައެއް ދަތުރުތައް ޑިލޭވެގެން ގޮސްފައެވެ. އަދި އެއާޕޯޓުގައި މީހުން ތާށިވެ ވަރަށް ބޮޑަށް ތޮއްޖެހުނު ކަމަށް މަޢުލޫމާތު ލިބިފައިވެއެވެ.
މޯލްޑިވްސް އެއާޕޯޓްސް ލިމިޓެޑް ކޮމްޕެނީއިން ހާމަކޮށްފައިވާ ގޮތުގައި އެއާޕޯޓަށް ދިމާވެފައިވާ ކަރަންޓްގެ މައްސަލަ ހައްލުކޮށް މިހާރު އަލުން ކަރަންޓް ދީފައިވެއެވެ.
ކަރަންޓް ކެނޑުމުގެ ސަބަބުން އެވަގުތު އެއާޕޯޓްގައި ކަރަންޓް ދެމުން ގޮސްފައިވަނީ ބެކަޕް ޖަނެރޭޓަރު ބޭނުންކޮށްގެންނެވެ.
