އެމަނިކުފާނު ސިޔާސީ އައު ޕާޓީއެއް އުފައްދައިގެން ނިކުމެވަޑައިގެން އެ ހުންނެވީ އެއްވެސް ހާލަތެއްގައި އަދުގެ ރައީސް ޑރ މުހައްމަދު މުއިއްޒަށް ދަތިތަކެއް ކުރިމަތި ކުރުވަން ނޫން ކަމަށް ރައީސް އަބްދުﷲ ޔާމީން އަބްދުލްގައްޔޫމް ވިދާޅުވެއްޖެއެވެ.

ރައީސް ޔާމީން މިފަދައިން ވިދާޅުވެފައިވަނީ 11 އަަހަރުގެ ޖަލު ހުކުމް ދިވެހިރާއްޖޭގެ ހައި ކޯޓުން ބާތިލް ކުރުމާއި ގުޅިގެން އެންމެ ފުރަތަމަ ރާއްޖޭގެ ރަށަކަށް ކުރެއްވި ދަތުރުފުޅުގައި ފުވަމުއްލަކު ސިޓީ އަށް ވަޑައިގެން އެމަނިކުފާނުގެ ސަޕޯޓަރުންނާ ބައްދަލުކުރަައްވާ ވާހަކަޮދައްކަވަމުންނެވެ.

އެގޮތުން ރައީސް ޔާމީން ވިދާޅުވީ އެމަނިކުފާނު ސަރުކާރަށް ޖެއްސުން ކުރާ ނިޔަތެއް ނެތް ނަމަވެސް ސަރުކާރުން ރައްޔިތުންނަށް ގެއްލުންވާފަދަ ކަންކަން ކުރަންޏާ އެކަން ކަމާ ދެކޮޅަށް އަޑު އުފުލާނެ ކަމަށެވެ.

އެގޮތުން ރަސްމާލެ ހިއްކުމަށް އާނއެކޭ ނުބުނާނެ ކަމަށާއި ހުޅުމާލެއިން ބިން ބޭރުގެ ބަޔަކަށް ވިއްކާލުމަށް އާނއެކޭ ބުނެވެން ނެތް ކަމަށް ރައީސް ޔާމީން ވިދާޅުވިއެވެ.

އޭގެއިތުރުން އެމަނިކުފާނު ވިދާޅުވީ ވަޒީރުންގެ ކޮރަޕްޝަން ގެ ވާހަކަތައް ކުރިމަތިވެގެން އެކަންކަން ނުބެލޭ ކަމުގައި ވާނަމަ އެކަން ކަން ބެލުމަށް ގޮވާލާނެކަމަށެވެ.

އެެއްވެސް ބަޔަކާ ދެކޮޅު ނުވާކަމަށާ، ވަކި ބަޔަކާ އެއްކޮޅުވެސް ނުވާކަމަށް ރައީސް ޔާމީން ތަކުރާރުކޮށް ވާހަކައިގައި ފާހަގަކުރެއްވިއެވެ.