މި ސަރުކާރުން ހިންގާ އެންމެ ބޮޑު މަޝްރޫޢު "ރަސްމާލެ" ބިން ހިއްކުމަށް ކެޕިޓަލް މެރިން އެންޑް ކޮންސްޓަރަކްޝަން ކޮމްޕެނީ (ސީއެމްސީސީ) އާ އެކު ހަދާފައިވާ އެއްބަސްވުން އުވާލުމަށް ރައީސް އަބްދުﷲ ޔާމީން އަބްދުލްގައްޔޫމް ގޮވާލައިފިއެވެ.

ރައީސް ޔާމީން މިފަދައިން ގޮވާލާފައި ވަނީ 11 އަަހަރުގެ ޖަލު ހުކުމް ދިވެހިރާއްޖޭގެ ހައި ކޯޓުން ބާތިލް ކުރުމާއި ގުޅިގެން އެންމެ ފުރަތަމަ ރާއްޖޭގެ ރަށަކަށް ކުރެއްވި ދަތުރުފުޅުގައި ފުވަމުއްލަކު ސިޓީ އަށް ވަޑައިގެން އެމަނިކުފާނުގެ ސަޕޯޓަރުންނާ ބައްދަލުކުރަައްވާ ވާހަކަދައްކަވަމުންނެވެ.

ރައްޔިތުންނަށް ފައިދާ ނުވާ އެއްްވެސް ކަމަކަށް އާނއެކޭ ބުނެވެން ނެތް ކަމަށް ރައީސް ޔާމީން ވަނީ ވިދާޅުވެފައެވެ.

ރަސްމާލެ ހިއްކުމުގެ މަޝްރޫޢު ފައްޓާފައި ވަނީ މިދިޔަ އަހަރުގެ ޑިސެމްބަރު މަހުގައިއެވެ.

މި މަޝްރޫޢު ފަށާފައި ވަނީ މަޖިލީހުން މި މަޝްރޫއަށް ކަނޑައަޅާފައިވާ ބަޖެޓް އުނިކޮށްފައިވަނިކޮށެވެ.

މި މަޝްރޫޢު ހިންގުމުގައި އެއްވެސް ވަރަކަށް ބަޖެޓް ގެ ދަތިކަމެއް ނުވާނެކަމަށް ރައީސް މުއިއްޒު ވިދާޅުވި ނަމަވެސް މިހާރު މި މަޝްރޫޢު އޮތީ ހުއްޓިފައެވެ.

މަޝްރޫޢު ހުއްޓިފައިވަނީ ބަޖެޓް ނެތުމުންކަމަށް ވެސް ސަރުކާރުން މިހާރު އަންނަނީ ބުނަމުންނެވެ.