ރައްޔިތުންގެ މަޖިލިސް އިންތިހާބާ ދިމާކޮށް މިފްކޯއިން ދީފައިިވާ ޕްރޮމޯޝަން އެންޓި ކަރަޕްޝަން ކޮމިޝަން (އޭސީސީ) އިން ހުއްޓުވައިފި އެވެ.
އޭސީސީއިން ހުއްޓުވާފައި ވަނީ ޅ. ފެލިވަރާއި ގއ. ކޫއްޑޫގައި މަސައްކަތްކުރާ މިފްކޯގެ 100 އަށްވުރެ ގިނަ މުވައްޒަފުންނަށް ދިން ޕްރޮމޯޝަނެވެ.
ޕްރޮމޯޝަން ހުއްޓަން އެ ކޮމިޝަނުން އަންގާފައިވަނީ އެ ކޮމިޝަނަށް ހުށަހެޅި މައްސަލައަކާ ގުޅިގެންނެވެ.
އޭސީސީގެ ބަހެއް މިހާތަނަށް ލިބިފައިނުވާއިރު ފެލިވަރުގައި ވަޒީފާ އަދާކުރާ ގިނަ ރައްޔިތުންނަކީ ޅ. ނައިފަރާއި ހިންނަވަރުގެ ރައްޔިތުންނެވެ.
މަޖިލިސް އިންތިހާބާ ގުޅޭ 16 މައްސަލައެއް މިހާތަނަށް އޭސީސީއަށް ވަނީ ހުށަހަޅާފައެވެ.
