ރާއްޖޭގެ ހުރިހާ ހިސާބަކަށް އިހުސާސްކުރެވޭ ހޫނުމިން ހުރީ 41 ޑިގްރީ ސެލްސިއަސް އަށް ވުރެ މަތީގައި ކަމަށް މެޓް އޮފީހުގެ ހިސާބުތަކުން ދައްކައިފިއެވެ.

ރައްޔިތުންގެ މަޖިލީހުގެ އިންތިހާބުގެ ވޯޓުލުން މިއަދު ކުރިއަށް ގެންދާ އިރު، މި އިންތިހާބުގައި ވޯޓުލުމަށް ގިނަ ބަޔަކު ވަނީ މި ގަދަ ހޫނުގައި ވެސް ކިޔު ހަދައިފަ އެވެ. ވަރަށް ގިނަ މީހުން ތޮއްޕާއި ކުޑަ އަޅައިގެން ވެސް ވޯޓުލާ މަރުކަޒުތައް ކައިރީގައި އެބަތިއްބެވެ.

މެޓް އޮފީހުން ބުނި ގޮތުގައި، މިއަދު އެންމެ ހޫނުގަދައީ މާލެ ސަރަހައްދަށެވެ. މެންދުރު 11:00 ގައި ހުޅުލެ އަށް ކަމަށެވެ.

އުތުރުގެ ރަށްތަކަށް އިހުސާސްކުރެވޭ ހޫނުމިން ހުރީ 43.7 ޑިގުރީގައެވެ. ލ. އަތޮޅުގައި ހޫނުމިން ހުރީ 31.9 ޑިގުރީގައި ކަމަށް މެޓުން ބުނެއެވެ.

މެޓުން ބުނީ ދެން އެންމެ ހޫނުގަވާނީ ދެކުނުގެ ރަށްތަކަކަށް ކަމަށެވެ. އެގޮތުން ބަލާއިރު، އެ ރަށްތަކުގެ ހޫނުމިން ހުރީ 42.8 ޑިގުރީގައެވެ.

މި ދުވަސްވަރަކީ ރާއްޖެއަށް އެންމެ ހޫނުގަދަ ދުވަސްވަރަށްވާއިރު، މި މަހުގެ 10 ވަނަ ދުވަހު މާލޭ ސަރަހައްދަށް ހޫނުމިން އިހުސާސްކުރެވޭ މިންވަރު ވަނީ 48 ޑިގުރީއަށް އަރައިފައެވެ. މިއަދަކީ ކުރިއަށް އޮތް މަޖިލީސް އިންތިޚާބަށް ވޯޓުލާ ދުވަހަށްވާއިރު، މެންދުރު 2:00އާ ހަމައަށް ހޫނު ގަދަވާނެ ކަމަށް މެޓުން ލަފާކުރެއެވެ.