އާދިއްތަ ދުވަހު ކުރިއަށްދިޔަ ރައްޔިތުންގެ މަޖިލީހުގެ އިންތިހާބުގައި ވޯޓާ ދިމާކޮށް ހުރިހާ ދިމާލެއްގައި ވެސް ފައިސާ ބަހަމުންދިޔަ ކަމަށް ރައީސް އަބްދުﷲ ޔާމީން އަބްދުލްގައްޔޫމް ވިދާޅުވެއްޖެއެވެ.
މަޖިލިސް އިންތިހާބުގައި ވޯޓު ދެއްވުމަށްފަހު ނޫސްވެރިންނާ ވާހަކަ ދައްކަވަމުން ރައީސް ޔާމީން ވިދާޅުވީ ރިޝްވަތު ދިނުމާއި ރިޝްވަތު ހިފުން ކުށަކަށް ހަދާފައިވާ ގާނޫނަކީ ތަންފީޒުނުކުރެވޭ ގާނޫނެއް ކަމަށެވެ.
އެއޮއްދަނީ ލާރި ބަހަމުން އެތައް މިތަނުގަ. އަޅުގަނޑު ނުބުނަން ލާރި ބެހުން ގޯހެކޭ ވެސް. ގާނޫނުގަ ގޯހެކޭ ބުނީމަ ގޯސްވީ. އެކަމަކު ފުލުހުންނަށް ނުވަތަ ދައުލަތަށް ތަންފީޒުނުކުރެވޭ ގާނޫނު ހަދައިގެން ކީއްތޯ މި ކުރަނީ
ރައީސް ޔާމީން ވިދާޅުވިއެވެ.
ރައްޔިތުންގެ މަޖިލީހުގެ ކެމްޕެއިނުގެ ތެރޭގައި ފައިސާ ބެހުމުގެ މައްސަލަތައް ފާހަގެފައިވާ ކަމަށް ވިދާޅުވެ ރައީސް ޔާމީން ވަނީ ވިދާޅުވެ ސަރުކާރަށް ފާޑުކިޔުން އަމާޒުކޮށްފައެވެ.
