ރައްޔިތުން މަޖިލީހާއި ޑީލްކުރުމުގެ ޤާބިލްކަން އައު ސަރުކާރުގައި ނެތްކަމަށް ރައީސް ޔާމީންގެ ޕާޓީ، ޕީއެންއެފް އުފެއްްދެވުމުގައި އިސްކޮށް އުޅުއްވާ ކުރީގެ ޓެކްނޮލޮޖީ މިނިސްޓަރ މުހައްމަދު މަލީހް ޖަމާލް ވިދާޅުވެއްޖެއެވެ.

މަލީހް މިފަދައިން ވިދާޅުވީ އެކްސްގައި ކުރެއްވި ޕޯސްޓެއްގައެވެ.

އެގޮތުން މަލީހް ވިދާޅުވީ ރައްޔިތުން މަޖިލީހަކީ އެމްޑީޕީގެ ބޮޑު އަގުލަބިއްޔަތެއް އޮންނަ ތަނަކަށް ވާއިރު ސަރުކާރުގެ ވުޒާރާ ތަކުގެ ވަޒީރުންނަށް ރުހުން ހޯދަން މި ސަރުކާރަށް ނޭނގޭކަން ސާބިތުވެއްޖެކަމަށެވެ.

ވަޒީރުންނަށް ރުހުން ހޯދުމަށްޓަކައި މަޖިލިސް މެމްބަރުންނަށް ފައިސާދީ އެ މެމްބަރުން ގަނެ އަދި އެމްޑީޕީގެ އެކްޓިވިސްޓުންނަށް ވަޒީފާ ދިނުމަކީ ރުހުން ހޯދުމަށް ކުރާ ކަންކަމެއް ނޫންކަމަށްވެސް މަލީހް ވަނީ ޕޯސްޓްގައި ފާހަގަކުރައްވާ ސަރުކާރަށް ފާޑުކިޔާފައެވެ.

މަޖިލީހުގެ ސަރުކާރު މަސްއޫލިއްޔަތު އަދާކުރާ މިންވަރު ބަލާ ކޮމެޓީއަށް ހުށަހެޅީ 22 ވަޒީރުންނަަަށް އެއްފަހަރާ ރުހުން ދިނުމަށް ރިޕޯޓަށް އިސްލާހު ގެނައުމަަށް ފަހު މަޖިލީހަށް ހުށަހެޅުމަަށެވެ.

ކޮމެޓީއަށް ހާޒިރުވި 10 މެންބަރުންގެ ތެރެއިން ފަސް މެންބަރުންގެ ތާއިދާއެކު ހުރިހާ ވަޒީރުންނަށް ރުހުން ދިނުމަށް ފާސްކޮށްފައިވާއިރު، ކޮމެޓީގެ މުގައްރިރް ވަނީ އެގޮތަށް ފާސްވެއްޖެ ކަމަށް ނިންމާފައެވެ.

ވަޒީރުންނަށް ރުހުން ދޭން ނިންމާފައިވަނީ މަޖިލިސް ޗުއްޓީއަށް ދިޔަ ފަހުންނެވެ. އެހެންކަމުން ދައުުރުން ބޭރުން ޖަލްސާއެއް ބޭއްވުމަށްޓަކައި ސޮއި ހަމަކުރުމުގެ މަސައްކަތް އަންނަނީ މިހާރު ކުރަމުންނެވެ.