ދިވެހިރާއްޖޭގެ ރަސްމީ ރިޒާވް މި އަހަރުގެ މާޗް މަހު ދަށަށް ގޮސްފިއެވެ.
މޯލްޑިވްސް މަނިޓަރީ އޮތޯރިޓީ އިން އާންމުކޮށްފައިވާ ތަފާސްހިސާބުތަކުން ދައްކާގޮތުގައި މި އަހަރުގެ މާޗް މަސް ނިމުނު އިރުގައި ރަސްމީ ރިޒާވްގެ ގޮތުގައި ހުރީ 541.8 މިލިއަން ޑޮލަރެވެ.
މިއީ މިދިޔަ އަހަރުގެ މާޗް މަސް ނިމުނުއިރު ރަސްމީ ރިޒާވްގައި ހުރި 764.6 މިލިއަން ޑޮލަރާއި އަޅާބަލާއިރު 222.8 މިލިއަން ޑޮލަރު މަދު އަދަދެކެވެ. އަދި މިއަހަރުގެ ފެބްރުއަރީ މަހު ރަސްމީ ރިޒާވްގައި ހުރި 588.8 މިލިއަން ޑޮލަރާ އަޅާބަލާއިރު 47 މިލިއަން ޑޮލަރު މަދުވުމެކެވެ.
ރަސްމީ ރިޒާވްގެ އިތުރުން ޔޫޒަބަލް ރިޒާވްވެސް ވަނީ މާޗް މަހު ދަށަށް ގޮސްފަ އެވެ.
ކުރު މުއްދަތުގެ ދަރަނި އުނިކުރުމުން މާޗް މަސް ނިމުނުއިރު ޔޫޒަބަލް ރިޒާވްގައި ހުރީ 113.7 މިލިއަން ޑޮލަރެވެ.
ރަސްމީ ރިޒާވްގައި މިއަހަރުގެ ފެބްރުއަރީ މަހު 128.8 މިލިއަން ޑޮލަރު ހުއްޓެވެ.
