މިދިޔަ ދުވަސްތަކުގައި ރާއްޖޭގެ އެކި ހިސާބަށް ކުރަމުން ދިޔަ ވިއްސާރަ މިއަދުން ފެށިގެން އަލި ކުރާނެ ކަމަށް ގައުމީ މޫސުމާ ބެހޭ އިދާރާ. މެޓުން ހާމަކޮށްފިއެވެ.

މެޓު ހާމަކޮށްފައިވާ ގޮތުގައި މި ހަފްތާ ތެރޭގައި ރާއްޖޭގެ އެކި ހިސާބަށް ކުރަމުން ދިޔައި ދެ މޫސުން ބެދޭ ވިއްސާރަ ކަމަށާ މިއަދުން ފެށިގެން ރާއްޖޭގެ ހުރިހާ ހިސާބަކަށް ވެސް މޫސުން އާންމު ގޮތެއްގައި ރަނގަޅު ވާނެ ކަމަށެވެ.

މެޓް އޮފީހުން ބުނީ ކުރިއަށް އޮތް 24 ގަޑިއިރު ރާއްޖޭގެ ގިނަ ހިސާބުތަކަށް އާންމު ގޮތެއްގައި މޫސުން ރަނގަޅު ވާނެ ކަމަށާއި، ނަމަވެސް ކޮންމެ ވެސް ވަރަކަށް ކެރީގެ އަސަރު ކުރުމާއި ގުގުރުން އެކަށީގެންވާ ކަމަށެވެ. 

ރާއްޖޭގެ ހުރިހާ ހިސާބަކަަށް ވެސް ވައި ޖެހޭނީ ހުޅަނގާއި ހުޅަނގު އުތުރުން ފަސް މޭލާއި 15 މޭލާ ދޭތެރޭގެ ބާރު މިނެއްގައި ކަމަށް ވެސް މެޓު އޮފީހުން ބުންޏެވެ. 

ކުރިއަށް އޮތް ދެތިން ދުވަހު ވެސް މޫސުން ރަނގަޅު ވާނެ ކަމަށް މެޓުން ލަފާކުރެއެވެ. ދެން މޫސުން ގޯސް ވާނެ ކަމަށް ލަފާ ކުރަނީ އަންނަ ހަފުތާގެ ފަހުކޮޅުގައި ކަމަށް އެ އިދާރާއިން ބުނެއެވެ. 

މިދިޔަ  ހަފުތާ ބަންދުން ފެށިގެން ރާއްޖޭގެ އެކި ހިސާބުތަކަށް ވަރަށް ބޮޑަށް ވިއްސާރަކުރިއެވެ. އެގޮތުން އެކި ހިސާބުތަކުގައި ބޯކޮށް ވާރޭ ވެހުމުގެ ސަބަބުން ފެންބޮޑުވެ ގެއްލުންތަކެއް ވެފައިވެއެވެ.