މާލޭގެ މޭޔަރު ކަމަށް ރައީސް އަބްދުﷲ ޔާމީންގެ ތާއީދާއެކު ކުރިމަތިލައްވާ ކުރީގެ ކޮމިޝަނަރ އޮފް ޕޮލިސް ހުސެއިން ވަހީދާ އެމްއެމްޕީއާރުސީގެ ހިޔާނާތުގެ ޖަރީމާގެ މޭސްތިރިޔާ އަހުމަދު އަދީބާ ގުޅުވާ ދައްކަމުންދާ ވާހަކަތަކަށް ރައްދުދެެއްވައިފިއެވެ.

ސަރުކާރުގެ ކެންޑީޑޭޓާ ޓީމަށް ހުސެއިންގެ ރައްދު އަމާޒުކުރެއްވީ ރައީސް ޔާމީން އަލަށް އުފައްދަވާ ޕާޓީ ޕީއެންއެފުން ބުދަ ދުވަހުގެ ރޭ ބޭއްވި ޖަގަހަ ޖަލްސާގައި ވާހަކަ ދައްކަވަމުންނެވެ.

ހުސެއިން ވިދާޅުވީ އަދީބު ޖަރީމާތައް ހިންގާ ގައުމުން ކުރި ވައްކަންތަކާ އޭނާއާ ޖާމިނުކުރުމަށް ބަޔަކު މަސައްކަތްކުރަމުން ދާ ކަަމަށާ އެހެން އެކަން އޮތިއްޔާ އޭރު ސަރުކާރުގެ މަގާމުތަކުގައި ތިބި ހުރިހާ މީހުންވެސް އެކަމުގައި ހިމެނޭނެ ކަމަށެވެ. ހުސެއިން ވިދާޅުވީ، އޭނާއަކީ އެއްވެސް މީހެއްގެ މީހެއް ނޫން ކަމަށާ ނަމަވެސް އޭނާގެ މީހަކު އެބަހުރި ކަމަށެވެ. އެއީ ރާއްޖޭގެ ތަރައްގީ ބާނީ ރައީސް ޔާމީން ކަމަށްވެސް ހުސެއިން ވިދާޅުވިއެވެ.

ހުސެއިން ވިދާޅުވީ މީހުންގެ ވާހަކަ ދައްކަންވާނީ ވަރަށް ފަސްބައި ސާފު މީހުން ކަމަށާ އެގޮތުން ސަރުކާރުގެ ކެންޑިޑޭޓުގެ ފަސްބައި އޮތީ ކިސަނޑުވެ ކިލަނބުވެފައިކަން މުޅި ރާއްޖެވެސް ދެނަހުރި ކަމަށެވެ.

ހުސެއިން އިތުރަށް ވިދާޅުވީ، މާނަލަ މާލެ ސިޓީގެ ޓީމުން ދެނީ އުއްމީދުކަމަށާ އެއީ ރައީސް ޔާމީންގެ ހޯޕް ކަަމަށެވެ.