ރައީސް އަބްދުﷲ ޔާމީން އަބްދުލް ޤައްޔޫމްގެ ތާއީދާއެކު މަލެ ސިޓީ ކައުންސިލްގެ އިންތިހާބުގައި ކުރމަތިލައިފައިވާ ކެންޑިޑޭޓުންގެ ކެމްޕެއިން ހަރަކާތެއް ބާއްވައިފިއެވެ.


މާލެ ސިޓީ މޭޔަރު ކަމުގެ ގޮނޑި ހުސްވެފައިވުމާއި ގުޅިގެން އެ ގޮންޑިއަށް ރައީސް ޔާމީންގެ ތާއީދާއެކު ކުރިމަތިލައްވާފައިވަނީ ކުރީގެ ކޮމިޝަނާ އޮފް ޕޮލިސް ހުސައިން ވަހީދެވެ.

އިތުރަށް ހުސްވެފައިވާ ގޮނޑި ތަކުގެ ތެރެއިން މެދު ހެންވެއިރު ދާއިރާއަށް މުހައްމަދު ޒައިން ހަސަން، ހެންވެއިރު ދެކުނު ދާއިރާއަށް އައިޝަތު އަފްނާން އަލީ އަދި މާފަންނު ދެކުނު ދާއިރާއަށް މުހައްމަދު މައިޒަރު އާދަމް ޒާހިރު ވަނީ ކުރިމަތިލައިފައެވެ.

މި ކެންޑިޑޭޓުންގެ ކެމްޕެއިން ހަރަކާތެއްގެ ގޮތުގައި އަންގާރަ ދުވަހުގެ ހަވީރު ޕިކަޕު ބުރެއް ބާއްވާފައިވާ އިރު މި ހަރަކާތް ފަށާފައިވަނީ ޕީޕަލްސް ނެޝަނަލް ފްރަންޓް ގެ ފްރަންޓް އޮފީސް ކުރިމަތިންނެވެ.

މާލެ ސިޓީ ކައުންސިލް ގެ މޭޔަރު ކަމުގެ ގޮނޑި ހުސްވެފައި މިވަނީ ރައީސުލްޖުމްހޫރިއްޔާ ހުވާކުރުމަށްފަހުގައެވެ.

އަމިއްލަ ފަރާތުން ކުރިމަތިލައްވާފައިވާ ހުސައިން ވަހީދު މޭޔަރު ކަމަށް ކުރިމަތިލައިފައިވަނީ ރައީސް ޔާމީންގެ ފުރިހަމަ ތާއީދާއެކު އެވެ.