ފެނަކައަށް ގިނަ އަދަދެއްގެ ވެހިކަލްތަކެއް ހޯދަން އިއުލާންކޮށްފިއެވެ.

ފެނަކައިން ކުރި އިއުލާންތަކުގައި އެ ކުންފުނީގެ ބޭނުންމަށް ޕިކަޕާއި ބައުޒަރާއި ވޯޓާރ ސަކްޝަން އެންޑް ޖެޓިން ޓްރަކުތައް ހިމެނޭހެން 19 ވެހިިކަލެއް ސަޕްލައިކުރަން ވަނީ ހުޅުވާލާފައިއެވެ.

ފެނަކައިގެ އެމްޑީ މުއާޒް މުހައްމަދު ރަޝީދު ވިދާޅުވީ އޭގެތެރޭގައި މިހާރު ކުއްޔަށް ނަގައިގެން ބޭނުންކުރާ ބައެއް ވެހިކަލްތަކުގެ ބަދަލުގައި އަމިއްލަ ވެހިކަލް ބޭނުންކުރަން ފެށުމާއި ހަލާކުވެފައި ހުރި ބައެއް ވެހިކަލްތައް އައު ކުރުމުގެ ބޭނުމުގައި ވެހިކަލް ހޯދުމަށް އެ ކުންފުނިން އިއުލާން ކުރި ކަމަށެވެ.

ފެނަކައިގެ އޮޕަރޭޝަންތަކުގައި ބޭނުންކުރަން ސަޕްލައި ދޯންޏަކާއި ލޭންޑިން ކްރާފްޓެއް ވެސް ހޯދަން އެ ކުންފުނިން ވަނީ އިއުލާންކޮށްފައެވެ.