ސިފައިންގެ 70 ވަނަ އަސާސީ ތަމްރީން ކޯހުގެ ބައިވެރިންނަށް ހުވާ ލައިދިނުމާއި، ބަޑި ހަވާލުކުރުމުގެ ރަސްމިއްޔާތު ގިރިފުށި ޓްރެއިނިންގ ސެންޓަރުގައި ކުރިއަށް ގެންގޮސްފިއެވެ.

އިއްޔެ ބޭއްވި މި ރަސްމިއްޔާތުގައި، ތަމްރީނު ފުރިހަމަ ކުރި ބައިވެރިންނަށް ހުވާ ލައިދެއްވީ، ސްޕްރީމް ކޯޓުގެ ފަނޑިޔާރު އަލްއުސްތާޛު މަޙާޒު ޢަލީ ޒާހިރުއެވެ. އަދި މި ބައިވެރިންނަށް ބަޑި ހަވާލުކޮށްދެއްވީ ރައީސުލްޖުމްހޫރިއްޔާ އަދި ސިފައިންގެ އެންމެ މަތީ ވެރިޔާއެވެ.

މި ތަމްރީނު ކޯސް ފަށާފައިވަނީ 28 އޮކްޓޯބަރު 2023 ގައެވެ. މި ކޯހުގައި 135 ދަރިވަރުން ބައިވެރިވެ 98 ބައިވެރިން ވަނީ ތަމްރީނު ފުރިހަމަކޮށްފައެވެ.