ސްރީލަންކާގައި ހުންނަ ދިވެހިރާއްޖޭގެ ހައިކޮމިޝަންގެ ތާޑް ސެކްރެޓްރީގެ މަގާމުގައި ހުރި ތ.ތިމަރަފުށި / ސާކް، މާލިކު އާދަމް ދެ ލައްކައަށް ވުރެ ގިން ޑޮލަރު ހިފައިގެން ފުރަން އުޅެނިކޮށް ވެލާނާ އިންޓަނޭޝަނަލް އެއާޕޯޓްއިން ހައްޔަރުކޮށްފިއެވެ.

މާލިކު އާއި މީނާގެ އަންހެނުން އެއާޕޯޓު ތެރޭގައި އުޅުން ހުރި ގޮތުން ކަސްޓަމްސްގެ އޮފިސަރުންނަށް ޝައްކުވެގެން، މީނާ ބަލާ ފާސްކޮށް ދެ ލައްކައަށް ވުރެ ގިން ޑޮލަރޔ ހިފަހައްޓައިފައިވާ ކަމަށާއި، މިކަން މިހާރު ފޮރިން މިނިސްޓްރީ އަދި ކަމާއި ބެހޭ އެހެނިހެން އިދާރާތަކަށް އަންގައި މީނާގެ މައްޗަށް ތަހުގީގު ކުރެވެމުންދާ ކަމަށް މައުލޫމާތު ލިބިފައިވެއެވެ.

މިކަމާއި ގުޅިގެން އިތުރަށް ހޯދި ހޯދުންތަކުން، މި ފައިސާގެ މުއާމަލާތުގައި ޝާމިލުވާ އިތުރު ފަރާތްތަކުގެ ތެރޭގައި ޝާމިލްވަނީ ސްރީލަންކާ ހައި ކޮމިޝަންގެ ސެކަންޑް ސެކްރެޓަރީ އަހުމަދު އަންވަރު (ސިމްވާ) ހިމެނެއެވެ.

މި މައްސަލައާއި ގުޅިގެން މާލިކު އާދަމް ވަނީ  ވަގުތުން ވަޒީފާއިން ވަކިކުރެވިފައެވެ.

‏މީގެ އިތުރުން، ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވެރިކަމަށް އައި ފަހުން މާލިކު ދަނީ ކޮންމެ ހަފްތާ އެއްގައި ތުރުކީ އާއި ދުބާއި އަށް ދަތުރުކޮށް އެގައުމުން ނަގުދު ފައިސާގެ ގޮތުގައި ޑޮލަރު ރާއްޖެ އާއި ލަންކާ އަށް އެތެރެކުރަމުން ކަމަށް މަޢުލޫމާތު ލިބިފައިވެއެވެ.

މީނާ ވަނީ ފައިސާގެ ނުފޫޒުން އޭނާގެ ޑިޕްލޮމެޓިކް ޕާސްޕޯޓްގެ މުއްދަތު އެތައް ފަހަރަކު އިތުރުކޮށްފައެވެ.

‏މިސަރުކާރުގެ ތެރޭގައި ނާޖައިޒް މަންފާ ހޯދުމާއި ކޮރަޕްޝަންގެ ކަޅު ފައިސާ ދޮވުމުގެ ސަޤާފަތް ދިރުވާ އާލާކުރުން ފެށި، މިފަދަ ކަންކަން ބަދަލުކުރަން އައި ފަރާތްތަކުގެ ޢަމަލުތައް މިހުރީ ކުރިން މި ރާއްޖޭގައި ބަޔަކު ދުށް ހިސާބެއްގަ ނޫންކަން ރައްޔިތުން މިހާރު ޤަބޫލުކުރާނެއެވެ.