މާލޭ މަގުތަކަށް ކުނި އަޅައިގެން 190 އަށް ވުރެ ގިނަ މީހުން މާލޭ ސިޓީ ކައުންސިލުން ޖޫރިމަނާކޮށްފިއެވެ.

މަގުތަކަށް ކުނި އަޅައިގެން ޖޫރިމަނާކުރި މީހުންގެ ތެރެއިން ގިނައީ ބިދޭސީން ކަމަށް މާލޭ ސިޓީ ކައުންސިލް އިން ވަނީ ބުނެފައެވެ.

މާލެ ތެރެ ރީތިކޮށް ބޭއްވުމަށްޓަކައި ކައުންސިލުން ކުރަމުން އަންނަ މަސައްކަތުގެ ތެރެއިން މި އަހަރު ފެބްރުއަރީ މަހުން ފެށިގެން ސީސީޓީވީގެ އެހީގައި ކުނިއަޅާ މީހުން ހޯދައި ޖޫރިމަނާކުރަން ވަނީ ފަށާފައެވެ.

މަގުމަތީގެ ޕޭވްމަންޓު ގައި މުދާ ބަހައްޓައިގެން ވިއްކާތީ އެ ފަރާތްތައް ހުއްޓުވާ ޖޫރިމަނާވެސް ދަނީ ކުރަމުންނެވެ.

ގަވާއިދާ ހިލާފަށް ކުނިއަޅާ މީހުން ޖޫރިމަނާ ކުރަނީ 500 ރުފިޔާއިންނެވެ.