ނިމދިޔަ 20 ވަނަ މަޖިލިސް އިންތިޚާބްގެ ފަހުން މަސްވެރިން ބޭނި މަސްތަކަށް ފައިސާ ދީފައިނުވާކަން ހާމަވެއްޖެއެވެ.

މިފަދަ ވާހަކަތަކެއް މަސްވެރިން އަންނަނީ އެކްސްގައި ދައްކަމުންނެވެ.

އެގޮތުން އެކްސްގައި މީހަކު ކޮށްފައިވާ ޕޯސްޓެއްގައި ބުނެފައިވަނީ މަޖިލިސް އިންތިޚާބަށްފަހު މަސްވެރިންނަށް ފައިސާ ދޫކޮށްފައިނުވާކަމަށެވެ.

އަދި މަޖިލިސް އިންތިޚާބްގެ ކުރިން މަސްވެރިން "ގުނބޯ ހެއްދުމަށްފަހު ސަރުކާރުން ސުޕާރ މެޖޯރިޓީ ކަށަވަރު ކުރީކަމަށެވެ.

ސުޕާރ މެޖޯރިޓީ ލިބުމުން، މަސްވެރިންނާ ދޭތެރޭ ސަރުކާރުން ކަންތައް ކުރަމުން ދަނީ ބޭނުންގޮތަކަށް ކަމަށްވެސް އެ ފަރާތުން ވަނީ ޕޯސްޓްގައި ބުނެފައެވެ.

މިކަމާ ގުޅޭގޮތުން މައުލޫމާތޫ ސާފުކުރުމަށްޓަކައި ޗެނަލް 13 އިން ފިޝަރީޒް މިނިސްޓާރ އަހުމަދު ޝިޔާމް އާ ސުވާލުކުރުމުން އަދި ޖަވާބެއް ދެއްވާފައިނުވެއެވެ.

މަސް ކިރާތާ 48 ގަޑިއިރުގެ ތެރޭގައި ފައިސާ ލިބޭނެ އިންތިޒާމުތަކެއް ހަމަޖެއްސުމަކީ ރައީސް މުއިއްޒުގެ ރިޔާސީ ވައުދެކެވެ.

ނަމަވެސް އެ ވައުދު ފުއްދުމުގައި އެމަނިކުފާނު ފަސްޖެހިވަޑައިގަންނަވާތީ ގިނަ ފަރާތްތަކުން އަންނަނީ ފާޑުކިޔަމުންނެވެ.