ރައީސް ޑރ. މުހައްމަދު މުއިއްޒުގެ ޚާއްސަ އެޑްވައިޒަރު އަދި ފޮނަދޫ ދާއިރާގެ އިންތިހާބީ މެމްބަރު ޢަބްދުއްރަޙީމް އަބްދުﷲ ވަކި ގުރޫޕެއް ހަދައިގެން މަޖިލީސް ރައީސްކަން ކަށަވަރުކުރުމަށް މަސައްކަތް ކުރަމުންދާތީ، މަޖިލީހުގެ ރައީސް އާއި ނައިބު ރައީސްގެ ވާހަކަ މެންބަރުންގެ މެދުގައި ދެއްކުން ރައީސް މުއިއްޒު މަނާ ކޮށްފިއެވެ.
މަޢުލޫމާތު ލިބިފައިވާ ގޮތުގައި މެމްބަރުންގެ މެދުގައި މަޖިލިސް ރައީސަކަށް އަދި ނާއިބު ރައީސަކަށް ވަޑައިގަންނަވާނެ މެމްބަރަކާ ގުޅޭގޮތުން މަޝްވަރާ ނުކުރުމަށް ރައީސް މުއިއްޒު މެމްބަރުންނަށް އަންގަވާފައިވެއެވެ. އޭގެ ސަބަބެއް ކަމަށްވަނީ މުއިއްޒުއަށް މެމްބަރުން މެދުވެރިކޮށް ޕްރެޝަރ ކުރުމުގެ މަސައްކަތް ކުރުމަށެވެ.
މަޖިލިސް ރައީސް ކަމަށް އަބްދުއްރަޙީމް ގެންނަން ރައީސް މުއިއްޒު ބޭނުންފުޅުނުވަނީ، ޢަބްދުއްރަހީމް ބަޣާވާތްކޮށް އޭނާގެ އަމިއްލަ ވަކި އެޖެންޑާއެއް ގެންގުޅުއްވާނެކަމަށް ގަބޫލުކުރެވޭތީ ކަމަށްވެއެވެ. އެހެންކަމުން އެކަމުގައި ސުޕަރ މެޖޯރިޓީއާ ސީދާ މުއާމަލާތް ކުރައްވާނީ ރައީސް މުއިއްޒު އަމިއްލަފުޅަށް ކަމަށް އަންގާފައިވާ ކަމަށްވެސް މައުލޫމާތު ވަނީ ލިބިފައެވެ.
މަޖިލިސް ރައީސްކަމަށް ގެނައުމަށް ރައީސް މުއިއްޒު ބޭނުންފުޅުވަނީ ދިއްގަރު ދާއިރާގެ އިންތިހާބީ މެމްބަރު ނާޒިމް ކަމަށާއި، ނާއިބު ރައީސްކަމަށް ގެނައުމަށް މުއިއްޒު ބޭނުންފުޅުވަނީ ކޮއްކޯފުޅު، ނިލަންދޫ ދާއިރާގެ އިންތިހާބީ މެމްބަރު ފާތިމަތު ސައުދާ ކަމަށް ވެސް އަޑުތައް ފެތުރިފައިވެއެވެ.
