ކ.ތިލަފުށިން ފުރިފަހުން ޚަބަރެއް ނުވެގެން ހޯދަމުންދިޔަ މުދާ އުފުލާ ދޯންޏާ ގުޅިއްޖެކަމަށް އެމްއެންޑީއެފުން ހާމަކޮށްފިއެވެ. އަދި މިހާރު ކޯސްޓްގާރޑް ޝަހީދު އަލީ ދަނީ އެ ދިމާއަށް ދަތުރު ކުރަމުން ކަމަށްވެސް އެމްއެންޑީއެފުން ވަނީ ހާމަކޮށްފައެވެ.

ނަމަވެސް ދޯންޏާ ގުޅޭ އިތުރު އެއްވެސް މައުލޫމާތެއް ހިއްސާކޮށްފައިނުވެއެވެ.

މުދާ އުފުލާ އެ ދޯނީގެ ޚަބަރެއް ނުވެގެން ހޯދަން ފަށާފައިވްނީ ހޮނިހިރު ދުވަހުން ފެށިގެންނެވެ.

ދޯނި ގެއްލުނީ މެއި 17 ވަނަ ދުވަހު ކ. އަތޮޅު ތިލަފުށިން ފުރައިގެން މ. އަތޮޅު މެދުފުށި އައިލެންޑް ރިސޯޓަށް ދަތުރުކުރަމުން ދަނިކޮށެވެ.