މޯލްޑިވްސް މާކެޓިންގް އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރްސީ) ގެ މެނޭޖިންގ ޑިރެކްޓާރ ގެ މަގާމުން ފާތިމަތު ތައުފީގް (ކުޑީ) ވަކިކޮށްފިއެވެ.
ޗެނަލް 13 އަށް މައުލޫމާތު ލިބުން ގޮތުގައި ކުޑީ ވަކިކޮށްފައިވަނީ ވައްކަން ކުރި ކަމުގެ ބޮޑު ތުހުމަތެއްގައެވެ.
މިކަމާ ގުޅިގެން އެމްއެމްޕީއާރްސީގެ ބަހެއް އަދި ލިބިފައިނުވެއެވެ.
ކުޑީ މަގާމުން ވަކިކޮށްފައިވާއިރު އެ ކުންފުނީގެ ޗެއާރ ޕާސަންގެ މަގާމުގައި ހުންނެވި އާއިޝާ ނޫރައިން ޖަނާހް ވަނީ އޭނާގެ މަގާމުން އިސްތިއުފާ ދެއްވާފައެވެ.
މިކަން ޕީސީބީ އިން އެކްސްގައި ކުރި ޕޯސްޓަކުން ވަނީ ކަށަވަރުވެފައެވެ.
މައުލޫމާތު ލިބުނުގޮތުގައި ނޫރައިން އެ މަގާމުން ވަކިވެފައިވަނީ ކުޑީ އަދި ފަތުރުވެރިކަމާ ބެހޭ ވަޒީރު އިބްރާހިމް ފައިސަލްގެ އުނދަގޫ ބޮޑުވެގެންނެވެ.
