މާލޭގެ މަގަކަށް ފަލަސްތީނާއި ގުޅުވާ ނަމެއް ދިނުމަށް ކުރިއަށް ދިޔަ މަޝްވަރާގައި، އެފަދައިން ކަންތައް ކޮށްފިނަމަ ދިވެހިރާއްޖޭގެ ޓުއަރިޒަމް އަށް އަސަރުކޮށްފާނެ ކަމަށް ޕީޕީއެމް/ޕީއެންސީ އަށް ނިސްބަތްވާ މައްޗަންގޮޅި އިތުރ ދާއިރާގެ ކައުންސިލް މެންބަރު ސައީދާ ރަޝާދު ވިދާޅުވެއްޖެއެވެ.

ސައީދާ އިތުރަށް ބުނެފައިވަނީ ޓުއަރިޒަމްއަކީ ދިވެހިރާއްހޭގެ މައި ނާރު ކަމަށާއި، ފަލަސްތީނަށް ވާގިވެރިވާ ފަދަ އަމަލުތައް ކުރުމުން ބޭރު ދުނިޔޭގައި ރާއްޖޭގެ އަގު ވެއްޓި ފަތުރުވެރިކަމަށް ބޮޑެތި ގޮންޖެހުންތައް ކުރިމަތިވާނެކަމަށެވެ.

ފަލަސްތީނާއި ގުޅުވާ ނަމެއް ދިނުމަށް ހުށަހެޅީ ފަލަސްތީނަކީ ދިވެހިންގެ ހިތްތަކާއި ގުޅިފައިވާ ބިމަކަށް ވާތީ ކަމަށް މާލެ ސިޓީ މޭޔަރ ވަނީ މި ބައްދަލުވުމުގައި ފާހަގަކޮށްފައެވެ.

ފަލަސްތީނާއި ގުޅުވާ ރާއްޖޭގެ މަގަކަށް ކިޔުމުން، ދިވެހިރާއްޖެ މިހާރު ފަތުރުވެރިކަމުގެ ދާއިރާގައި ވެއްޓިފައި އޮތް ވަރަށްވުރެ އިތުރަށް ވެއްޓިގެންދާނެކަމަށް އެއްވެސް ރައްޔިތަކު ގަބޫލެއްނުކުރާނެއެވެ. އެކަން ފަތުރުވެރިކަމާއި ބެހޭ ވަޒީރު ވަރަށް ރަނގަޅަށް ދިވެހިންނަށް އަދާކޮށްފީއެވެ.