22 އޭޕްރީލް އިން ފެށިގެން މިއަދާއި ހަމައަށް މަސްވެރިންނަން ދޭނއ ޖެހޭ 62 މިލިއަން ރުފިޔާ ނުދެވި އޮތް ކަމަށް ފިޝަރީޒް މިނިސްޓަރ އަޙްމަދު ޝިޔާމް ވިދާޅުވެއްޖެއެވެ.

ފިޝަރީޒް މިނިސްޓްރީ އިން މިއަދު ބޭއްވި ނޫސްވެރިންގެ ބައްދަލުވުމުގައި މިނިސްޓަރު ވިދާޅުވީ އޭޕްރީލް 22 ހަމައަށް  މަސްވެރިންނަށް ފައިސާ ދޫކޮށްފައިވާ ކަމަށާއި އޭގެ ފަހުން އަދި ފައިސާ ދޫކޮށްފައި ނުވާކަމަށެވެ.

މީގެ އިތުރުން އެންމެ ފަހުން މަސްވެރިންނަށް 22 މިލިއަން ރުފިޔާ ދޫކޮށްފައިވާއިރު، ސަރުކާރު ހުވާ ކުރި ފަހުން 881 މިލިއަން ރުފިޔާ މަސްވެރިންނަށް  ދޫކޮށްފައިވާ ކަމަށް މިނިސްޓަރު ފާހަގަކޮށްފައިވެއެވެ.

ދައުލަތުގެ އާމްދަނީ ރަނގަޅުކުރުމަށް މަސައްކަތް ކުރަމުންދާކަމަށް މިނިސްޓަރު ފާހަގަކުރެއްވިއިރު، ދައުލަތުގެ ބަޖެޓުން ސަރުކާރުން ދަނީ ސިޔާސީ ބޭނުމަށް ބޭކާރު ޚަރަދުތައް ކުރުމާއި، ކޮރަޕްޝަން އަށް މަގުފަހިވާ އެތައް ކަމެއް ރައްޔިތުންގެ ޓެކްސް ފައިސާއިން ހިންގަމުންނެވެ.

މަސްވެރިންނަށް ދޭންޖެހޭ ފައިސާ ނުދީގެން މިދިޔަ ފެބްރުއަރީ މަހު މަސްވެރިން ވަނީ ގއ. ކޫއްޑޫގައި މުޒާހަރާ ވެސް ކޮށްފަ އެވެ. އެ މުޒާހަރާތައް ހުއްޓާލީ މަސްވެރިންނަށް މިފްކޯ އިން ދޭންޖެހޭ ފައިސާގެ ބޮޑުބަޔެއް ދެއްކާ މަޖިލިސް އިންތިޚާބާއި ދިމާކޮށް މަސްވެރިން މޮޔަ ހެއްދުމަށްފަހުގައެވެ.