20 ވަނަ ރައްޔިތުންގެ މަޖިލީހުގެ ނައިބު ރައީސް ކަމަށް 80 މެމްބަރުންގެ ވޯޓާއިއެކު ދިއްގަރު ދާއިރާގެ މެމްބަރު އަހުމަދު ނާޒިމް އިންތިހާބުވެވަޑައިގެންފިއެވެ.

މަޖިލީހުގެ ނައިބު ރައީސް ހޮވުމަށްޓަކައި ކުރިއަށް ދިޔަ ސިއްރު ވޯޓްގައި ނާޒިމް ނައިބު ރައީސްކަމަށް އިންތިހާބުކުރަން 80 މެމްބަރުން ވޯޓް ދެއްވިއިރު،ރައީސް ކަމަށް ހޮވުމަށްޓަކައި އަދުރޭ އަށް ލިބިވަޑައިގަތީ 71 ވޯޓެވެ.

މިއަދު ހެނދުނު 9 ޖެހިއިރު، 20 ވަނަ ރައްޔިތުންގެ މަޖިލީހަށް 93 ދާއިރާއަކުން އިންތިޚާބްވެވަޑައިގެންނެވި މެމްބަރުން އޭގެ ތެރެއިން 75 މެމްބަރުންނަކީ ޕީއެންސީއަށް ނިސްބަތްވާ މެމްބަރުންނެވެ.

އަދުރޭއަަށް ވޯޓު ދިނުމަށްޓަކައި ރައީސް މުއިއްޒު އަަންގަވާފައިވާއިރު، 4 މެމްބަރަކު މިވަނީ ވޯޓު ނުދީފައެވެ. އެގޮތުން 2 މެމްބަރުން ވަނީ ވޯޓު ބާތިލްކޮށްފައެވެ. އަދި 2 މެމްބަރުން ވޯޓުު ދީފައިވަނީ އެމްޑީޕީގެ ފަރާތުން އިންތިހާބުވި ހިތަދޫ ދެކުނު ދާއިރާގެ މެމްބަރު އިބްރާހިމް ނާޒިލްއަށެވެ. ނާޒިލް އަށް ޖުމްލަ 14 ވޯޓު ވަނީ ލިބިފައެވެ.

ވޯޓުލުމުގައި ޖުމްލަ 93 މެމްބަރުންގެ ތެރެއިން 92 މެމްބަރުން ވަނީ ބައިވެރިވެވަޑައިގެންފައެވެ. ވޯޓުލުމުގައި ބައިވެރިވެވަޑައިގެންފައިނުވަނީ ރިޔާސަތުގައި އިންނެވި މީދޫ ދާއިރާގެ އެމްޑީއޭގެ މެމްބަރު އަހުމަދު ސިޔާމް މުހައްމަދެވެ. އެއީ އެމަނިކުފާނަށް ވޯޓުގައި ބައިވެރިވެވަޑައިގެންނެވޭނީ ވޯޓު އެއްވަރުވާ ހާލަތުގައި އެކަނިކަމުންނެވެ.