މިޔަރެއް ހަމަލާދިނުމުގެ ސަބަބުން އެމްއެންޑީއެފްގެ އޮފިސަރެއް ނިޔާވެއްޖެއެވެ.

އެމްއެންޑީއެފް އިން ބުނީ، ލ.ކައްދޫގައި ކުރިއަށް ގެންދިޔަ ސިފައިންގެ ތަމްރީނެއްގެ ތެރެއިން ލ. މާވަށް ކައިރީ މޫދުގައި ތަމްރީނުގެ ބައެއް ކުރިއަށް ދަނިކޮށް މިޔަރެއް ހަމަލާ ދިނުމުގެ ސަބަބުން ނިޔާވެފައިވަނީ ލާންސްކޯޕްރަލް މުހައްމަދު ޒައިދާން (ރ.އުނގޫފާރު/ނިއުލައިފް) ކަމަށެވެ.

ޒައިދާން ނިޔާވެފައިވަނީ ލިބުނު ޒަހަމްތަކަށް ލ. ގަމު ރީޖަނަލް ހޮސްޕިޓަލުގައި ފަރުވާ ދެމުން ދަނިކޮށް މިރޭ 20:40 ހާއިރު ކަމަށް ވެސް އެމްއެންޑީއެފް އިން ވަނީ ހާމަކޮށްފައެވެ.

ޒައިދާން އަށް މިޔަރު ހަމަލާ ދީފައިވަނީ މިއަދު މެންދުރުގެ ވަގުތެއްގައެވެ.