އެމެރިކާ ސަރުކާރުން ރާއްޖޭގެ ވެރި ރަށް މާލޭގައި ހިންގާ އެމެރިކަން ސެންޓަރުގެ ފާރުގައި "ޓެރަރިސްޓު" އަދި "ކުޑަކުދިން މަރާ މީހުން" ސްޕްރޭ ފުޅިއަކުން ލިޔުނު މީހަކު ފުލުސް އޮފީހަށް ހާޒިރުކޮށް އޭނާގެ މައްސަލަ ބަލަން ފަށައިފި ކަމަށް އެ އިދާރާއިން ހާމަކޮށްފިއެވެ.

އެމެރިކާއިން ރާއްޖެއަށް ފިޔަވަޅު އަޅަން މަސައްކަތް ކުރާކަމަށް މިއަދު ހަމަކުރުމާއި އެކު، ފުލުހުން މީނާ ހައްޔަރުކޮށްފައިވަނީ ސަރުކާރުން ރައްޔިތުން ހައްލާލުމުގެ ބޭނުމުގައިކަމަށް އިދިކޮޅު ފަރާތްތަކުން ދަނީ ބުނަމުންނެވެ.

އަދި މިއީ އެމެރިކާއަށް ދިވެހިރާއްޖެއިން އެމީހުންނާއި އެއްކޮޅަށް ތިބި ކަން ހާމަކުރުމަށް ކުރި ކަމެއް ކަމަށްވެސް ގިނަ ފަރާތްތަކުން ދަނީ ގަބޫލުކުރަމުންނެވެ.

ސަބަބަކީ އެމެރިކަން ސެންޓަރުގެ އިމާރާތަށް ގެއްލުން ދިން ހާދިސާ މިދިޔަ މަސް ތެރޭގައި ހިނގާފައިވާއިރު، މިކަން ކުރި މީހެއް ކަމާއި ބެހޭ އިދާރާތަކަށް އެގި ހުރެމެ ފިޔަވަޅެއް ނުނަގާ މިއަދު އެ ފަރާތް ހައްޔަރުކުރާނީ އަމިއްލަ އެދުމުގެ ބޭނުމުގައިކަމަށް ގިނަ ފަރާތްތަކުން ބުނެއެވެ.

 ރާއްޖެއަށް އެހީތައް މެދު ކަނޑާލާނެކަމަށް ބުނުމާއިއެކު ރާއްޖެ ސަރުކާރުން ދަނީ އެމެރިކާ ރުއްސުމަށް ކުރެވެން އޮތް ހުރިހާ ކަމެއް ކުރަމުންނެވެ.

މިގޮތުން، އިޒްރޭލުގެ ޕާސްޕޯޓް މަނާކުރާނެ ކަމަށް އިއުލާން ކުރި ނަމަވެސް ސަރުކާރުން އެފަދަ ފިޔަވަޅެއް ނަގާނެ ކަމާއިމެދު ޝައްކެވެ.