ކަޅު ބާޒާރުގައި އެމެރިކާ ޑޮލަރެއްގެ އަގު 18 ރުފިޔާ އަށް އުފުލިފައިވާ ކަން ހާމަވެއްޖެއެވެ.

ތޭރަ އޮންލައިން އަށް މައުލޫމާތު ދެމުން ޑޮލަރުގެ ވިޔަފާރި ކުރާ ފަރާތެއް ބުނީ ޑޮލަރުގެ އަގު މިއަދު ހުރީ 18ރުފިޔާ ގައި ކަމަށެވެ.

މި ސަރުކާރުގައި ޑޮލަރުގެ އަގު އުފުލިގެން އުޅެން ނުޖެހޭނެ ކަމަށް ރައީސް ޑރ މުހައްމަދު މުއިއްޒު ވަނީ ވިދާޅުވެފައެވެ.

އެގޮތުން ދެން ފެނިގެންދާނީ ޑޮލަރުގެ އަގު ހެޔޮވާ މަންޒަރުކަމަށް ވެސް އެމަނިކުފާނު ވަނީ ވިދާޅުވެފައެވެ.

މި އަހަރު ފެށުނުނު ފަހުން މިހާރު 6 މަސް ވެފައިވާއިރު ޑޮލަރެއްގެ އަގު ކަޅު ބާޒާރުގައި ހުރީ 18 ރުފިޔާއަށް ކަން ފާހަގަކޮށްލެވެއެވެ.

ނިމިދިޔަ 20 ވަނަ ރައްޔިތުންގެ މަޖިލިސް އިންތިޚާބްގެ ކެމްޕެއިން ޖަލްސާއެއްގައި ވާހަަކަ ދައްކަވަމުން ރައީސް މުއިއްޒު ވިދާޅުވީ ރާއްޖޭގެ އިގުތިސާދު ދަނީ ރަނގަޅުވަމުން ކަމަށެވެ.

އަދި ރަނގަޅުވާ ސަބަބަކީ އިގުތިސާދީ މިނިވަންކަން ހޯދައިދިނުމަށް މި ސަރުކާރުން ކުރަމުން ގެންދާ މަސައްކަތް ކަމަށެވެ.

އިތުރަށް އެމަނިކުފާނު ވިދާޅުވީ ޑޮލަރުގެ އަގު އެއްވަރެއްގައި ހިފެހެއްޓިފައި ހުންނާނެ ކަމަށެވެ.

ނަމަވެސް ފެނިގެންދަނީ އެމަނިކުފާނު ދެއްކެވި ވާހަކަތަކާއި މުޅީން ހިލާފް މަންޒަރެކެވެ.