ސަރުކާރުގެ ފަރާތުން ހިލޭ ހައްޖަށް ފޮނުވާ 50 މީހުން މިއަދު ފުރާނެ ކަމަށް މޯލްޑިވްސް ހައްޖުކޯ ޕަރޭޝަނުން ބުނެފިއެވެ.

އެ ކޯޕަރޭޝަންގެ މެނޭޖިންގ ޑިރެކްޓަރ މުޙައްމަދު ޝަކީލު އެކްސްގައި ކުރެއްވި ޕޯސްޓެއްގައި ބުނެފައިވަނީ، މި 50 މީހުން މިއަދު ފުރުމުގެ އިންތިޒާމް ވަނީ ހަމަޖެހިފައި ކަމަށެވެ.

މިހާތަނަށް ހައްޖުގެ އަޅުކަން އަދާކުރާ ދެ ގުރޫޕެއް ވަނީ ފުރާފައިއެވެ. އަދި ހައްޖަށް ދިޔަ ދެވަނަ ގްރޫޕުގައި މިފްލައިޓުގައި 354 ދިވެހި ހައްޖާޖީން ދަތުރަށް ފުރި ކަމަށް އިސްލާމިކް މިިނިސްޓްރީން ވަނީ ބުނެފައިއެވެ.

ސަރުކާރު އެހީ އާއި އެކު ހިލޭ ހައްޖަށް ފޮނުވާ މީހުން ކަނޑައަޅަނީ ފަގީރުންނާއި މިސްކީނުންގެ ދަފުތަރުގައި ރަޖިސްޓްރީކޮށްފައިވާ މީހުންގެ މެދުގައި ގުރުލައިގެންނެވެ.

މި އަހަރު މިފަދައިން ހައްޖަށް ހަމަ އެކަނި 50 މީހުން ދިޔަ ނަމަވެސް 5 އަހަރު ދުވަސް ތެރޭ 1000 މީހުން މިފަދައިން ހައްޖަށް ފޮނުވުމަކީ މި ސަރުކާރުގެ ވައުދެއްކަން ފާހަގަކޮށްލެވެއެވެ.