އިޒްރޭލް ޕާސްޕޯޓް ބޭން ކުރަން މަޖިލީހުގެ އިއްތިފާގުން ރައީސް މުހައްމަދު މުއިއްޒަށް އެންގިތާ 204 ދުވަސް ވަނީ ވެފައެވެ.

ނަމަވެސް ރައީސް މުއިއްޒު ވަނީ ކެބިނެޓާއި ބައްދަލުކޮށް، އަމިއްލަފުޅަށް އެކަން ނުކުރުމަށް ނިންމާފައެވެ. އޭގެ ބަދަލުގައި ރައީސް މުއިއްޒު އެކަމާ ޖާމިނުކުރީ ރައްޔިތުންގެ މަޖިލީހާއެވެ. ނަމަވެސް ކުރިންވެސް ދެންނެވި ފަދައިން ރައްޔިތުންގެ މަޖިލީހުގެ އޣަލަބިއްޔަތުން ފާސްކޮށް އެ މައްސަލަ ވަނީ ކުރިން ވެސް ރައީސުލްޖުްމހޫއްރިއްޔާގެ އޮފީހަށް ފޮނުވާފައެވެ. އޭރު މަޖިލީހަށް އެފަދަ ބިލެއް އެމްޑީޕީއިން ލާފައި ވުމުން، އެކަމާއި ދެކޮޅަށް ޕީއެންސީ ކެންޑިޑޭޓުންނަށް ވޯޓު ދެވޭނެ ގޮތެއް ރައީސް މުއިއްޒަށް ނުފެނުމުން، އެކަމާއި މެދު ރައީސްގެ ހައިސިއްޔަތުން އެއްވެސް ފިޔަވަޅެއް ނާޅައި ރައީސް މުއިއްޒު ދޫކޮށްލެވީއެވެ.

ނަމަވެސް ސުވާލަކީ ވަކި ބަޔަކު ކުރި ކަމަކަށް ވާތީ ފާސްނުކުރަން އުޅެނެތޯ ނޫނީ މިކަމގެ ފަހަތުގައި ފޮރުވިފައި ސިއްރުތަކެއް ވަނީތޯއެވެ؟

ކަންކަން މިހާ ހިސާބަށް ދިއުމުން މިކަމާ މެދު ވަރަށް ފުންކޮށް ވިސްނާލަން މަޖްބޫރުވިއެވެ. އެހާ ހިސާބުން މިކަން ހިނގަމނުންދާ މަގަށް ނަޒަރެއް ހިންގާލީމެވެ. މަގުގެ ވަކި ހިސާބަށް ހިނގުނުތަނާ ޖެހުނު ހަތަރު އަނގޮޅި ކަންމަތިން އަދި ދިމާއެއް އިޚްތިޔާރު ނުވެގެން އުޅެނިކޮށް އެނގިގެން ދިޔައީ ރައީސް މުއިއްޒު ނުހަނު ވަރުގަދަ ރާޒުވާ ކުޅިގަނޑެއް މިކަމުިގައިވެސް ކުޅުއްވަމުން ގެންދަވާ ކަމެވެ.

އެގޮތުން އިޒްރޭލް ޕާސްޕޯޓް މަނާ ކުރާ އިސްލާހު މަޖިލީހަށް ސަރުކާރުން ހުށައެޅިއަސް ފާސް ނުކުރުމަށް މުއިއްޒު މަޖިލީސް މެމްބަރުންނަށް އަންގަފައިވާ ކަމަށާ އަދި އެކަން ސަރުކާރު ތަމްސީލުކުރާ ޕާޓީގެ ބައެއް މެމްބަރުން ކޮފީ މޭޒުތަކުގައި ދައްކާފައިވާ ކަން ހާމަވިއެވެ.

އަސްތާ ދެން މިހާ ހިސާބުން އަދި ކުރިއަށް ހިނގަން މާ ބޮޑަށް މަޖްބޫރުވިއެވެ. ހިނގަމުން ހިނގަމުން ގޮސް ދެން ޖެހުނު ހަތަރު އަނގޮޅި ކަންމަތިން އެނގުނީ ރައީސް މުއިއްޒު ކުޅުއްވަން ރާވާފައި އޮތީ ޑްރާމާ އެއް ކަމެވެ.

އެގޮތުން އިޒްރޭލުގެ ޕާސްޕޯޓް މަނާ ކުރުމާއި މެދު ސަރުކާރުން އެއްވެސް ފިޔަވަޅެއް އަޅާފައި ނުވާއިރު، އިޒްރޭލު ޕާސްޕޯޓު މަނާކުރަން ކެރުނު ރައީސް ކަމަށް މެޑަލް ޖަހާ ސޯޝަލް މީޑިޔާ ގޭންގު ކުދިންކޮޅު މެދުވެރިކޮށް މުޅި ދުނިޔެއަށް އިޝްތިހާރުވެގަތީއެވެ. ހަގީގަތަކީ ހުށަހެޅި އިސްލާހުތައް ވެސް ފާސްކުރުމުގެ ނިޔަތެއް ރާޖޫއަށް ދިވެހީންގެ ބިން ވިއްކާލިކަމަށް ތުހުމަތުކުރެވޭ ރައީސްގެ ނެތްކަމެވެ.

ރައީސްގެ ގަރާރަކުން އިޒްރޭލުގެ ޕާސްޕޯޓް ވަގުތުން ވަގުތަށް މަނާ ކުރުމުގެ ބާރު ރައީސުލްޖުމްހޫރިއްޔާއަށް ޤާނޫނު އަސާސީއިން ދީފައިވެއެވެ. އިޒްރޭލުގެ ޕާސްޕޯޓް މަނާކުރާނީ، އެކަމަށް ޤާނޫނަށް އިސްލާހު ގެނެސްގެން ކަމަށް ސަރުކާރުން ބުނެފައިވާއިރު، އެފަދަ ބަދަލެއް ޤަނޫނަށް ގެންނަން ބޭނުންވާ ބަދަލަކީ 10 ވަރަކަށް މިނިޓު ތެރޭ ތައްޔާރު ކޮށްލެވޭނެ އިސްލާހެކެވެ.

ނަމަވެސް މިހާތަނުން ސަރުކާރުން އެފަދަ އިސްލާހެއް ތައްޔާރުކޮށް މަޖިލީހަށް ފޮނުވާފައިނުވެއެވެ. އޭގެ އިތުރުން، މަޖިލީހުގައި އެމްޑީޕީއިން މިހާރުވެސް ހުށައަޅާފައިވާ އިސްލާހަކީ، އިޒްރޭލް ޕާސްޕޯޓް ޤާނޫނުން މަނާ ކުރަން ހުށައަޅާފައިވާ އިސްލާހެކެވެ. ނަމަވެސް، ރައީސް މުއިއްޒުގެ އެންގުމަށް މަޖިލީހުން ވަނީ އެ ބިލަށް ހުށައަޅާފައިވާ އިސްލާހްގެ އަޑުއެހުންތައް ނުފަށައި މަޑުޖައްސާފައެވެ.

އިޒްރޭލުން ދަނީ، ފަލަސްތީނުގައި ހަނގުރާމަ ކޮށް، އާންމުން މަރަމުންދާ ޖެނެރަލުން ފަދަ އިސް ފަރާތްތައް ޗުއްޓީ ހޭދަ ކޮށްލުމަށް އެމީހުން ބޭނުންވާ ޤައުމުތަކަށް ފޮނުވަމުންނެވެ.

ކަންކަން މިހެން ހުރިއިރު ސަހްޔޫނީންގެ އިސްތިއުމާރުގެ ދަށުން ފަލަސްތީނު މިނިވަން ކުރުމަކީ އިސްލާމީ އުއްމަތަށް އޮތް ވާޖިބަކަށް ވާކަމަށް ރައީސް މުއިއްޒުގެ ސަރުކާރުގެ އިސްލާމިކު މިނިސްޓްރީއިން ޚުތުބާތަކުގައި ލިޔެ އަޑު އިއްވަމުން ދާއިރު ވެރިމިހާ މިފެނިގެން ދަނީ އެކަމުގައި މުޅިން މަކަރާ އޮޅުވާލުން ގެންގުޅޭ މަންޒަރެވެ.

ރައްޔިތުން ގުނބޯ ހެއްދުމުގެ ޓެގު އެމްޑީޕީގައި އެޅުވިފައި އޮތް ނަމަވެސް މިހާރު އެ ޓެގު ޕީއެންސީ ބަދަލުކުރަން ޖެހޭ ކަމަށް ހެކިތައް ފެންނަމުންދާއިރު ސަހްޔޫނީންގެ ޕާސްޕޯޓާ މެދު ގޮތް ނުނިންމި ރައީސް މުއިއްޒު ކުރަމުންދާ މަސައްކަތަކީ އޭގެ ފުރިހަމަ ހެއްކެވެ.

ވެރިކަމަށް އައުމަށް ވިދާޅުވި ފަދައިން އިންޑިއާ ސިފައިން ބޭރުކުރުމަސް ވީ ވައުދު ފުއްދިކަމަށް ބުނެ ދިވެހީންގެ ލޮލުގައި އަނދުން އަޅުވާ މިކުޅެމުންދާ ޑްރާމާއަކީ ނަމަވެސް ދެވެހިން ލަދު ގަންނުވަން ކުރާ ކަމެކެވެ.

އެމެރިކާ ފަދަ ޔަހޫދީ ގައުމުތަކަށް ބިރުން މުސްލިމުން ހައްގުގައި ތެދުވަން ނުކުރޭ ވެރިއަކު ހުރުމަކީ ހަމަ ގައިމުވެސް ދިވެއްސެއްގެ ހައިސިއްޔަތުން އަޅުގަޑު ލަދުގަނެ މާޔޫސްވާ ކަމެކެވެ.

އިޒްރޭލުގެ ޕާސްޕޯޓް ބޭން ނުކުރެވި، ރައީސް މުއިއްޒު ވެގެން ދާތަން މި ފެންނަނީ ޒައެނިސްޓް ޕަޕެޓަކަށެވެ. މިއި ބަޔަކު ރުޅި އަޔަސް ހަގީގަތެވެ.