ކެންސަރު ބައްޔަށް ފަރުވާ ހޯއްދަވަމުން ގެންދަވާ ދަނޑުވެރިކަމާއި ދިރޭތަކެއްޗާ ބެހޭ ވަޒީރު އައިޝަތު ރަމީލާ ބައްޔަށް ފަރުވާކުރުމަށް އެޑްމިޓު ކޮށްފިއެވެ.

ވަޒީރު އެކްސްގައި ކުރެއްވި ޕޯސްޓެއްގައި ވިދާޅުވީ، އިތުރު ފަރުވާ ހޯދުމުގެ ގޮތުން އޮޕަރޭޝަނެއްގެ އިތުރުން ކިމޯތެރަޕީ ހެދުމަަށް އެކަމަނާ ވަނީ ހޮސްޕިޓަލުގައި އެޑްމިޓުވެވަޑައިގެންފައި ކަމަށެވެ.

މެޓަސްޓޭޓިކް ސީރިއަސް ޕެޕިލަރީ ކާސިނޯމާ ކެންސަރަށް ފަރުވާ ހޯއްދަވަމުން އަންނަ ވަޒީރު ވަނީ މީގެ ކުރިން ފަރުވާ ހޯދުމަށް ބޭރަށްވެސް ޒިޔާރަތްކުރައްވާފައިއެވެ. މެޓަސްޓޭޓިކް ސީރިއަސް ޕެޕިލަރީ ކާސިނޯމާ ކެންސަރަކީ ރަހިމަށް ޖެހޭ ވަރަށް މަދުން ނޫނީ ނުފެންނަ ކެންސަރުގެ ބައްޔަކެވެ.

މަގާމާއި ހަވާލުވުމުގެ ކުރިންވެސް އެކަމަނާވަނީ ދައުލަތަށް އެކި ހިދުމަތް ކުރައްވާފައިއެވެ.

އެެގޮތުން އެކަމަނާ ވަނީ ވަނީ ހެލްތު މިނިސްޓްރީގެ ސްޓޭޓް މިނިސްޓަރުކަމާއި، ޖެންޑާ މިނިސްޓްރީގެ ސްޓޭޓް މިނިސްޓަރުކަން އަދި އެވިޑް ކޮލެޖްގެ ޑީންގެ މަގާމު ވެސް ފުރުއްވާފައެވެ.