ރާއްޖޭގެ ޓުއަރިޒަމް ޕްރޮމޯޓު ކުރުމަށް އުފައްދާފައިވާ ކުންފުނި، މޯލްޑިވިސް މާކެޓީންގ އެންޑް ޕަބްލިކު ރިލޭޝަންސް ކޯޕަރޭޝަން (އެމްއެމްޕީއާރުސީ)އިން ބަނގުރާ ޕްރޮމޯޓުކޮށްފިއެވެ.

އެމްއެމްޕީއާރުސީއިން މިކަން ކޮށްފައިވަނީ އެ ކުންފުނިން ސޯޝަލް މީޑިޔާގައި ކުރި ޕޯސްޓެއްގައެވެ.

އެގޮތުން އެމްއެމްޕީއާރުސީގެ ވެބްސައިޓްގައި ލިޔެ، ރަސްމީ ޓްވިޓަރ ހޭންޑްލް އިން ވަނީ ރަލުގެ ބާވަތެއް ކަމުގައިވާ ވައިން އިސްތިހާރުކޮށްފައެވެ. މި ގޮތުން އެމްއެމްޕީއާރުސީގެ ވެބްސައިޓުގައި ލިޔެފައިވާ އެ ލިޔުމުގައި ރަލަށް ހިތް ޖެއްސުމަށް ބަނގުރާ ޕްރޮމޯޓްކޮށް އެތައް ވާހަކައެއް ހިމަނާ އެއިން ވާނެ ފައިދާތަކެއް ހުރި ކަމަށް ބުނެ ލިޔެފައިވެއެވެ.

މިއީ ކަނޑައެޅިގެން އިސްލާމް ދީނާއި ޚިލާފު ފާފަވެރި އަމަލެކެވެ. މިފަދައިން ބަނގުރާ ޕްރޮމޯޓް ކުރުމަކީ އެއްވެސް ސަރުކާރަކުން މިހާތަނަށް ކޮށްފައިވާ ކަމެއް ނޫނެވެ. މީގެ އިތުރަށް މަސްތުވާތަކެތި މަނާ ކުރުމުގެ ޤާނޫނުގެ ދަށުން މަސްތުވާ އެއްވެސް އެއްޗެއް ޕްރޮމޯޓްކޮށް އިސްތިހާރު ކުރުމަކީ ދިވެހިރާއްޖޭގައި މަނާ ކަމެކެވެ.

މިކަމުގެ އިތުރު ތަފްސީލު ތަފްސީލު ހޯދާލުމަސް އެމްއެމްޕީއާރުސިގެ މެނޭޖިން ޑިރެކްޓަރ ފާތިމަތު ތައުފީގަށް ގުޅާ މެސެޖު ކުރުމުންވެސް ޖަވާބެއް ދިފައިނުވެއެވެ. އެކަމަނާ ފާހަގަވެފައިވަނީ މީޑޔާތަކާ ވަރަށް ދުރު ބޭފުޅެއްކަމަށެވެ. ޖަވާބުދާރީވުމުގައި އެކަމަނާ އެއްވެސް ވަރަަކަށް އެޓެންޑްނުވެއެވެ.

ފާތިމަތު ތައުފީގުގެ އެމްޑީކަމުގައި އިސްލާމް ދީނާ ހިލާފުކަންކަން އެމްއެމްޕީއާރުސީއިން ޕްރޮމޯޓުކުރުމަކީ އިއްތިފާގެއްތޯ ކުރި ސުވާލަށްވެސް އެއްވެސް ކޮމެންޓެއް ލިބިފައިނުވެއެވެ.

މީގެ ކުރިން އެމްއެމްޕީއާރުސީއިން ވަނި ޗައިނީޒު ނިއު އިޔަރ އަކީވެސް ބަަރަކާތްތެރި މުނާސަބަތެއްގެ ގޮތުގައި ލިޔެ ޕްރޮމޯޓުވެސް ކޮށްފައެވެ.

މިސަރުކާރަކީ ގިނަ އިލްމުވެރިންގެ ތާއިދާއެކު ގެނައި ސަރުކާރެއް ނަމަވެސް މި ސަރުކާރުން ކުރަމުން ގެންދާ މިފަދަ ކަންކަމުގައި ގިނަ އިލްމުވެރިން، ޚާއްސަކޮށް ސަލަފްގެ އިލްމުވެރިން ހަނު ތިއްބަވާކަން ވަނީ ހާމަވެފައެވެ.