4 މީހުންނާއި އެކު ލ.އަތޮޅަށް ދުތުރުކުރަމުންދިޔަ "ލޫމް 2" ނަމަކަށް ކިޔާ ދޯންޏެއް، ކ.ހެލެގެލި ކައިރިން ދިޔަވެ އަޑިއަށް ދާތީ އެމްއެންޑީއެފް މާލެ އެރިޔާ ކޮމާންޑް، ކޯސްގާޑް ސެކަންޑް ސްކޮޑްރަން އިން އެހީތެރިކަން ފޯރުކޮށްދޭން ފަށައިފިއެވެ.

މި ހާދިސާގެ ރިޕޯޓް މިރޭ 20:52 ގައި ލިބުމާއި އެކު އެމްއެންޑީއެފް އިން އަންނަނީ މި ސަރަހައްދުގައި ހަރަކާތްތެރިވަމުންނެވެ.

މައުލޫމާތު ލިބިފައިވާ ގޮތުގައި މި ހާދިސާ ހިނގަން މެދުވެރިވެފައިވަނީ ކަނޑުއޮޅިން ނުކުންނަން އުޅުމުގެ ތެރޭގައި ގަލެއްގައި ޖެހިގެން ކަމަށްވެއެވެ.

މި ހާދިސާގައި އެއްވެސް ފަރާތަކަށް އަނިޔާވެފައިވާ ކަމަށް އެމްއެންޑީއެފް އިން ހާމަކޮށްފައިނުވެއެވެ.