ސަރުކާރުގެ ޚަރަދުގައި ނިކަމެތިން ހައްޖަށް ފޮނުވުމަށް ސަރުކާރުން ނިންމާ ދައުލަތުގެ ފައިސާ އިން 50 ފަރާތެއް މި އަހަރުގެ ހައްޖުގެ އަޅުކަން އަދާކުރުމަށް ފުރުވުވާލުމާއި އެކު އާންމުންނާއި ދީނީ ބޮޑެތި އިލްމުވެރިން ސަރުކާރާއި ދެކޮޅަށް ތެދުވެ ފާޑު ކިޔުންތައް އަމާޒުވެއްޖެއެވެ.
މިގޮތުން ރިޒާވާ ކޯޓާގެ ތެރެއިން ނިކަމެތިންނަށް ފުރުސަތު ދެއްވައި 50 މީހުންނަށް ޖާގަ ދީފައިވާއިރު، މިފަދައިން ފޮނުވާފައިވާ މީހުންގެ ތެރޭގައި ނިކަމެއްޗެއް ދެއްކުމަށް ސަރުކާރަށް އަންނަނީ ގޮވާލަމުންނެވެ.
މި ކޯޓާގެ ދަށުން ހައްޖަށް ފޮނުވާފައިވާ މީހުންގެ ތެރޭގައި ސްކޫލްތަކުގެ ޓީޗަރުންނާއި، މިސްކިތްތަކުގައި ނަމާދުކުރާ އިމާމުންން ފަދަ މީހުން ހިމެނޭކަމަށް ޗެނަލް ތޭރައަށް ދެނެގަނެވިފައިވެއެވެ.
މި ފަރާތްތަކުގެ އިންޓަވިއުތައް ސޯޝަލް މީޑިޔާގައި ދައުރުވަމުން އަންނައިރު، އެ ބޭފުޅުންނަކީ ފަގީރުން ކަމުގައިވާނަމަ މި ދިވެހިރާއްޖޭގައި ދެން މުއްސަނދިން ނޫޅޭނެ ކަމަށް ބުނެ ނުރުހުން ފާޅުކޮށްފައިވެއެވެ.
ޙައްޖުގެ އަޅުކަން އަދާކުރަންޖެހެނީ އެމީހެއްގެ ކުޅަދާނަކަން ހުރި މިންވަރަކުން ކަމަށް ވާއިރު، މިފަދަ މާތް އިސްލާމީ އަޅުކަމަކުން ސަރުކާރުން ހިންގަމުންދާ އޮޅުވާލުންތަކަކީ އެއްވެސް ވަރަކަށް ބަލައިގަނެވޭނެ ކަމެއް ނޫންކަމަށް ގިނަ ފަރާތްތަކުން ބުނެއެެވެ.
އަދި މިއީ ދިވެހިރާއްޖޭގައި ނިކަމެތި ހާލުގައި އުޅެމުންދާ ފަރާތްތަކަށް ކޮށްލި މަލާމާތެއްކަމަށްވެސް ގިނަ މީހުން ދަނީ ބުނަމުންނެވެ.
