އަދުރޭގެ މަކަރާއި ހީލަތް ތާއަބަދު ފަސްއަޅާ ނުފޮރުވޭނެކަމަށް ޕީއެންއެފްގެ ސެކެރެޓަރީ ޖެނެރަލް މުހައްމަދު މަލީހު ޖަމާލު ވިދާޅުވެއްޖެއެވެ.

މަލީހު މިފަދައިން ވިދާޅުވީ، ރައްޔިތުންގެ މަޖިލީހުގެ ރައީސް އަބްދުއްރަހީމް އަބްދުﷲއަށް ނިސްބަތްކުރައްވާ އެކްސްގައި މަލީހު ކުރެއްވި ޕޯސްޓެއްގައިއެވެ.

މަލީހު ވިދާޅުވީ އަދުރޭ ނަފްސު އޮޅުވާލައިގެން އުޅުއްވިޔަސް އެމަނިކުފާނު އެހުންނެވީ ބޮޑު މާސިންގާ އަމާނާތަކަށް ހިޔާނާތްތެރިވެގެންކަމަށެވެ.

އެހެންކަމުން ކޮންމެ ސިކުންތަކު އެމަނިކުފާނުގެ ސިނކުޑި ނަފްސަަށް އެކަން ހަނދާންކޮށްދޭނެކަމަށްވެސް މަލީހު ވިދާޅުވިއެވެ.

އަދުރޭ އެ ހުންނެވީ ޕީޕީއެމްއަށް ޚިޔާނާތްތެރިވެ އެ ޕާޓީ ފޭރިގަތުމަށްފަހު، ރައީސް އަބްދުﷲ ޔާމީން އަބްދުލްގައްޔޫމްއަށް ދޯކާ ދެއްވާފައިކަން މިހާރުގެ ޕީއެންއެފްގެ މެމްބަރުން އަންނަނީ ހަނދުމައަރުވަމުންނެވެ.