އައްޑޫސިޓީ ހިތަދޫ އުސްގަނޑު ސަރަހައްދުގައި ހުރި ބާ ކާރުތަކެއްގައި ރޯވި އަލިފާން އެމްއެންޑީއެފްއިން ނިއްވާލައިފިއެވެ.

މި އަލިފާންގަނޑު ނިއްވާލާފައި ވަނީ އެމްއެންޑީއެފް ސަދަން އޭރިއާ ކޮމާންޑް، ސ.ހިތަދޫ ފަޔަރ ސްޓޭޝަނުގެ ފަޔަރފައިޓަރުންނެވެ.

އެމްއެންޑީއެފްއިން ބުނެފައި ވަނީ މި ހާދިސާގެ މަޢުލޫމާތު ލިބިފައި ވަނީ މިއަދު 07:40 ހާއިރު ކަމަށެވެ.

ފަޔަރ ފައިޓަރުން އެ ސަރަހައްދަށް ގޮސް ކުރި މަސައްކަތުން އަލިފާން ނިއްވާލާފައި ވަނީ މިއަދު 08:00 ހާއިރު ކަމަށްވެސް އެމްއެންޑީއެފްއިން ވަނި ހާމަކޮށްފައިއެވެ.

އެމްއެންޑީއެފްއިން އިތުރަށް ބުނެފައި ވަނީ މި ހާދިސާގައި އެއްވެސް މީހަކަށް އަނިޔާއެއް ލިބިފައި ނުވާކަމަށެވެ.