ރާއްޖޭން މި އަހަރު ހައްޖުގެ އަޅުކަމުގައި ބައިވެރިވާ ފަހު ގްރޫޕު ހައްޖަށްދާން ފުރައިފިއެވެ.
ހައްޖަށް ދާ ފަހު ގްރޫޕު ފުރާފައި ވަނީ ހޯމަ ދުވަހު ހަވީރު ސައުދީ އެއާލައިންގައިއެވެ.
މި ގްރޫޕުގައި ޖުމްލަ 150 ހައްޖާޖީން ހިމެނޭއިރު މި ގްރޫޕާއި އެކު ރާއްޖެއިން މިއަހަރު ހައްޖުގެ އަޅުކަން އަދާކުރުމަށް މައްކާއަށް ދަތުރުކުރި މީހުންގެ އަދަދު މިވަނީ 1150 ހަށް އަރާފައިއެވެ.
މި ހުރިހާ ހައްޖާޖީންގެ ހާލު ރަނގަޅުކަމަށާއި ހުރިހާ ކަމެއްވެސް ވަރަށް ފުރިހަމައަށް ކުރިއަށް ދާކަމަށް މޯލްޑިވްސް ހައްޖު މިޝަންއިން ވަނީ ހާމަކޮށްފައިއެވެ.
ރާއްޖޭން ހައްޖަށް ދަތުރުކުރި ހުރިހާ ހައްޖާޖީންވެސް ހައްޖަށް ގެންގޮސްފައި ވަނީ މޯލްޑިވްސް ހައްޖު ކޯޕަރޭޝަންއިންނެވެ.
