މަަސްވެެރިންނަށް ތެޔޮ އަގުބޮޑުކޮށް ވިއްކާ ކަމަށް ބުނެ އިހުތިޖާޖް ކުރުމުން ގޮތްހުސްވެ، ސަރުކާރުން ތެލުގެ އަގުހެޔޮކޮށްފިއެވެ.

މިކަން ހާމަކޮށްފައިވަނީ މަސްވެރިކަމާއި ބެހޭ ވުޒާރާއިން "އެކްސް"ގައި ކުރި ޕޯސްޓެއްގައެވެ.

އެގޮތުން އެ ވުޒާރާއިން ބުނީ، ރައީސް ޑރ. މުހައްމަދު މުއިއްޒުގެ އިސްނެންގެވުމުގެ މަތިން، މެނިފެސްޓޯގައިވާ ވައުދު ފުއްދުމަށްޓަކައި ހުޅުމާލޭން މަސްވެރިންނަށް ވިއްކާ ޑީސެލްގެ އަގު ޝެޑުތަކުން ވިއްކާ އަގަށް ހެޔޮކޮށްފައިވާ ކަމަށެވެ.

ތެލުގެ އަގަށް ބަދަލު އައިސްފައިވާ ކަމަށް އެ ވުޒާރާއިން ހާމަކުރި ނަމަވެސް އެކަމުގެ ތަފްސީލެއް އަދި ހާމަކޮށްފައެއް ނުވާކަން ފާހަގަކޮށްލެވެއެވެ.

މަސްވެރިން ވަނީ އެފްއެސްއެމް އިން ތެލުގެ އަގު ބޮޑުކޮށް ވިއްކާތީ ކަންބޮޑުވުން ފާޅުކޮށް އިހުތިޖާޖްކޮށްފައެވެ.