ރައީސް ޑރ. މުހައްމަދު މުއިއްޒު ރިޔާސީ އިންތިހާބުގެ ތެރޭގައި ރައްޔިތުންނަށް ވައުދުވީ ރައްޓެހިވެގެން އުޅޭ ކުއްޖާ ރުއްސުމުގެ ނިޔަތުގައި ވައުދާވާ އުސޫލުން ކަމަށް ދިވެހި މަސްވެރިން ބުނެފިއެވެ.

ޒުވާން މަސްވެރިއަކު އޭނާގެ އެކްސްގައި ކުރި ޕޯސްޓެއްގައި ބުނެފައިވަނީ، އޭނާ ޑރ. މުހައްމަދު މުއިއްޒަށް ވޯޓު ދިޏި އެއީ ކިޔަވައިގެން ހުިރ ބޭފުލަކަށް ވުމުން ކަންކަން އިސްލާހު ކުރުމުގެ ފިކުރު އެމަނިކުފާނުގެ ކިބައިގައި ހުންނާނެކަމަށް ވިސްނައިގެން ނަމަވެސް އެމަނިކުފާނުގެ ފުށުން ފެނިގެންދަނީ އެ ފަދަ މަންޒަރެއް ނޫން ކަމަށެވެ.

އެގޮތުން އެމަނިކުފާނު ރިޔާސީ އިންތިހާބުގެ ތެރޭގައި ވީވައުދުތައް އެ މަސްވެރިޔާ ސިފަކޮށްފައިވަނީ ރައްޓެހިވާން އަހައިގެން އުޅޭ އަންހެން ކުއްޖަކު ރުއްސަން ވާ ކަހަލަ ވައުދުތަކުގެ ގޮތުގައެވެ.

އެ މަސްވެރިޔާ އިތުރަށް ބުނީ ފައިސާ ވަގުތުން ވަގުތަށް ނުދެވެންވީ ސަބަެއް ނެތް ކަމަށާ އެހެނީ މަސްވެރިން ކިރާ މަސް ވަގުތުން ވިއްކާލަނީ ވިޔަފަރި ކުރާ ބަޔަކަށް ކަމަށާ އެހެންކަމުން މަސްވެރިން ދޭން އެދި ގޮވަނީ އެއީ ހިލޭ ސާބަހަށް ދޫކުރުާ ފައިސާއަކަށް ނޫން ކަމަށެވެ.

މީގެ އިތުރުން އެ މަސްވެރިޔާ ވަނީ ސިޔާސަވާން މަސްވެރިންގެ ނަން ބޭނުންނުކުރުމަށްވެސް ގޮވާލާފައެވެ.

މަސްވެރިންނަށް ވައުދުވީ ގޮތާ އެއްގިތަށް ފައިސާ ނުދޭތީ މަސްވެރިން ގެންދަނީ އިހުތިޖާޖުކޮށް ސަރުކާރާ މެދު ނުރުހުން ވެސް ފާޅުކުރަމުންނެވެ. މި ސަރުކާރުގެ ވައުދަކީ މަސް ކިރާތާ 48 ގަޑިއިރުގެ ތެރޭގައި އެންމެ ލަސްވެގެން މަހަށް އަގު ދިނުމެވެ. ނަމަވެސް މާލީ ހާލަތު ދަށް ކަމަށްބުނެ ސަރުކާރުން ގެންދަނީ މަސްވެރިންގެ ފައިސާ ނުދީ ހިފަހައްޓަމުންނެވެ.