ރައީސް މުހައްމަދު މުއިއްޒުގެ ސަރުކާރުން ދޫކުރި ކުށްވެރިންގެ ލިސްޓު އާންމުކުރަން، ކުރީގެ ޑިފެންސް މިނިސްޓަރު މާރިޔާ އަހުމަދު ދީދީ ގޮވާލައިފިއެވެ.

މާރިޔާ މިފަދައިން ގޮވާލާފައިވަނީ ނިމިދިޔަ ސަރުކަރުން ގިނަ އަދަދެއްގެ ވަގުން ދޫކޮށްލާފައިވުމުން އަމަން ގައިމުކުރަން ހުރަސްއެޅިފައިވާ ކަމަށް ފުލުހުންގެ ތަރުޖަމާނު، އެސިސްޓެންޓު ކޮމިޝަނަރ އޮފް ޕޮލިސް އަހުމަދު ޝިފާން ވިދާޅުވުމާ ގުޅިގެން ކުރެއްވި ޓްވީޓެއްގައެވެ.

މާރިޔާގެ ޓްވީޓުގައި ވިދާޅުވެފައިވަނީ، ރެސިޑިވިސްޓުންގެ އާދަކާދަ ދިރާސާތަކުން ދައްކާގޮތުގައި ކުށުގެ ވެށިން ދޫކުރާ މީހުން އަލުން ކުށްކުރުމަށް މުއްދަތެއް އޮންނަ ކަމަކަށް ދިރާސާތަކުން ނުދައްކާ ކަމަށެވެ. މާރިޔާ ވަނީ އައު ސަރުކާރު އައުމުންނާއި މަޖަލިސް އިންތިހާބަށް ސަރުކާރުން ދޫކުރި މީހުންގެ އަދަދު ހާމަކުރަން ގޮވާލާފައެވެ.

މާރިޔާ މިފަދައިން ގޮވާލާފައިވާއިރު މާރިޔާގެ ޑިފެންސް މިނިސްޓަރު ކަމުގައި އިންޑިއާއާ އެކު ގޮތް ނޭނގޭ އެތައް އެއްބަސްވުންތަކެއް ހަދާފައިވެއެވެ. އެ އެއްބަސްވުންތައް ހާމަކުރަން ދިވެހި ރައްޔިތުން އެތައް ފަހަރެއްގެ މަތިން ގޮވާލުމުންވެސް މާރިޔާވަނީ އެކަމަށް ބީރު ކަންފަތެއް ދީފައެވެ.