މި އޮފް ސީޒަނަކީ ކޮވިޑަށް ފަހު އެންމެ މަދުން ފަތުރުވެރިން އަންނަ އޮފް ސީޒަނަށް ވެދާނެ ކަމަށް ފަތުރުވެރިކަމާ ބެހޭ ވުޒާރާއިން އާންމުކޮށްފައިވާ ތަފާސްހިސާބުތަކުން ދައްކައިފިއެވެ.

އެގޮތުން އެ ވުޒާރާއިން އެންމެ ފަހުން އާންމުކޮށްފައިވާ ތަފާސްހިސާބުތަކުގައިވާ ގޮތުން އީދު ބަންދުގެ ކުރިއަށް މި މަހުގެ ތެރޭގައި 40،153 (ސާޅީސް ހާސް ސަތޭކަ ފަންސާސް ތިން) ފަތުރުވެރިން އައިސްފައިވާއިރު މި އަދަދަކީ މިދިޔަ އަހަރާއި އޭގެ ކުރީ އަހަރަށް ވުރެ ވެސް ދަށް އަދަދެއްކަން ފާހަގަކޮށްލެވެއެވެ.

ދުވާލަކު ފަތުރުވެރިން އަންނަ އަދަދު ހުރީ މި އަހަރުގެ ތެރޭގައި ނުވެއްޓޭ ވަރަށް ވެއްޓިފައިވާ ކަން ވެސް ތަފާސްހިސާބުތަކުން ހާމަކޮށްދެއެވެ.

މިދިޔަ މަހު އައި ފަތުރުވެރިންގެ އަދަދަށް ވުރެ ވެސް، މި މަހު އަންނާނެ ފަތުރުވެރިންގެ އަދަދު މަދު ވުމުގެ ފުރުސަތު އެބައޮތް ކަމަށް ވެސް ތަފާސްހިސާބުތަކުން ދައްކައެވެ.

ގިނަ ފަރާތްތަކުން ދެކޭ ގޮތުގައި ފަތުރުވެރިކަމާ ބެހޭ ވުޒާރާގެ ވަޒީރުގެ މަގާމަށް މަޖިލިސް ރައީސް އަދުރޭގެ ދަރިކަލުން އިބްރާހިމް ފައިސަލް ރައިސް މުއިއްޒު ހަމަ ޖެއްސުމުން އޭގެ ނޭދެވޭ އަސަރު ފަތުރުވެރިކަމުގެ ސިނާއަތައް ވަރަށް ބޮޑަށް ކޮށްފައިވާކަމަށް ގިނަ ބަޔަކު ދެކެއެވެ.

އެގޮތުން ރާއްޖެ ތަމްސީލް ކުރުމަށް ފައިސަލް ބޭރުގެ ގައުމުތަކަށް ވަޑައިގެން ރާއްޖޭގެ ފަތުރުވެރިކަމާ ބެހޭ ގޮތުން ވާހަކަ ދައްކަވަން ވަނީ ނުކުޅެދިފައެވެ.

މިކަމުގެ ސަބަބުން ގިނަ ބައެއްގެ ފާޑުކިޔުން ފައިސަލަށް އަންނަނީ އަމާޒުވަމުންނެވެ.