އިންޑިޔާ ސިފައިން ކަމަށް ބުނެ މީސްމީޑިޔާގައި ދައުރު ކުރަމުން އެ ދަނީ ސްރީލަންކާގެ ސިފައިން ކަމަށް ދިވެހިރާއްޖޭގެ ދިފާއީ ބާރުން ބުނެފިއެވެ.
ދައުރުވަމުންދާ ފޮޓޯ އަދި ވީޑިޔޯ "ތޭރައޮންލައިން" ގެ ފަރާތުން އެމްއެންޑީއެފްއާ ހިއްސާކޮށް އެއީ އިންޑިޔާގެ ސިފައިންތޯ އެހުމުން އެމްއެންޑީއެފް އިން ވަނީ އެންމެ ފުރަތަމަ އެއީ ކޮންބައެއް ކަން އެނގިފައިނުވާކަމަށް ބުނެފައެވެ.
ނަމަވެސް ފަހުން އެމްއެންޑީއެފް އިން ވަނީ އެއީ ސްރީލަންކާގެ އަސްކަރިއްޔާގެ ބައެއް ކަމަށް ބުނެފައެވެ. އަދި އެމީހުން ރާއްޖެ އައިސް އުޅެނީ ރާއްޖޭގެ ސިފައިންނާ އެކު ކުރިޔަށް ގެންދާ ތަމްރީނަކަށް ކަމަށް ވެސް އެމްއެންޑީއެފް އިން ވަނީ ބުނެފައެވެ.
އިންޑިޔާ ސިފައިން ކަމަށް ބުނެ މީސްމީޑިޔާގައި ދައުރުކޮށްފައިވާ ވީޑިޔޯ އިން އިނގޭ ގޮތުގައި އެއީ އައްޑޫ ސިޓީގެ ފޭދޫއެވެ.
ދާދި ފަހުން ވެސް އިންޑިޔާ ސިފައިންގެ ޔުނީފޯމްގައި ތިބި ބަޔަކު އާންމުންނަށް ވަނީ އައްޑޫ އިން ފެނިފައެވެ.
މި ސަރުކާރުން ވަނީ އިންޑިޔަ ސިފައިން ފޮނުވާލައިފި ކަމަށް ބުނެ އޮޅުވާލާފައެވެ.
