އައްޑޫ ސިޓީ ހުޅުމީދޫގައި ހުންނަ ފިޝަރީޒް ކޮމްޕްލެކްސް ގައި "މަސްވެރިންގެ ލާރިކޮބާ؟" ޖަހާފައިވާ ހުދު ދިދައެއް ނަގައިފިއެވެ.
"ތޭރަ އޮންލައިން" އަށް މައުލޫމާތު ލިބިފައިވާ ގޮތުގައި މި ހުދު ދިދަ ނެގީ އެ ތަނުގައި ހުރި ފިޝަރީޒް ކޮމްޕްލެކްސްގެ ދިދަ ބޭލުމަށްފަހުގައެވެ.
އަދި އެ އިމާރާތުގެ ގޯތި ތެރޭގައި މަސްވެރިން ވަނީ އިހުތިޖާޖު ވެސްކޮށްފައެވެ.
މި އިހުތިޖާޖުގައި މަސްވެރިން ގޮވާލަމުން ދަނީ މަސްވެރިންނަށް ދޭންޖެހޭ ފައިސާ މިހާރުން މިހާރަށް ދިނުމަށެވެ.
"ތޭރަ އޮންލައިން" އާ ވާހަކަ ދައްކަވަމުން މަސްވެރިން ބުނީ އެމީހުންގެ އިހުތިޖާޖަށް 24 ގަޑީއިރު ވީއިރު ސަރުކާރުން އެއްވެސް ޖަވާބުދާރީ އެއް ވެފައި ނުވާކަމަށެވެ.
މަސް ކިރާތާ 48 ގަޑި އިރު ފައިސާ ނުދެވެންޏާ ލަސްވެގެން 15 ދުވަސް ތެރޭގައި ފައިސާ ދިނުމަށް މަސްވެރިން ވަނީ ސަރުކާރަށް ގޮވާލާފައެވެ.
