މިރޭ ޕީޕަލްސް ނެޝަނަލް ފްރޮންޓް (ޕީއެންއެފް) އޮފީހުގައި ބާއްވާ ޖަލްސާގައި ރައީސް އަބްދުﷲ ޔާމީން ވާހަކަފުޅު ދައްކަވާނެ ކަން އެ ޕާޓީއިން ހާމަކޮށްފިއެވެ.

ޕީއެންއެފްގެ ސެކެރެޓަރީ ޖެނެރަލް މުހައްމަދު މަލީހު ޖަމާލު މީޑިޔާ ގްރޫޕަށް ފޮނުއްވި މެސެޖުގައި ވިދާޅުވީ، މިރޭ ޕާޓި އޮފީހުގައި ބާއްވާ ޖަލްސާގައި ރައީސް ޔާމީން ވާހަކަފުޅު ދައްކަވާނެ ކަމަށާ އެ ޖަލްސާ ކުރިއަށް ދާނީ ޓައުން ހޯލު އުސޫލުން ކަން ވެސް މަލީހު ވިދާޅުވެފައިވެއެވެ.

އެހެންކަމުން ޖަލްސާގައި ވާހަކަ ދައްކަވާ ފަރާތްތަކަށް ސުވާލު ކުރުމުގެ ފުރުސަތު އޯޑިއަންސަށް އޮންނާނެ ކަމަށާ ނޫސްވެރިންނަށް ޚާއްސަ ދައުވަތެއް އަރުވާ ކަމަށްވެސް މަލީހު ވަނީ ވިދާޅުވެފައެވެ.

ޕީއެންއެފްގެ ޖަލްސާ އޮންނާނީ އެ ޕާޓިގެ އޮފީސް ހިންގަމުން ގެންދާ އިމާރާތް، ހ ދޫވެހި ފުރަތަމަ ފަންގިފިލާގައެވެ. ޖަލްސާ ފެށޭނީ މިރޭ 9:00 ގައެވެ.