ރައީސް އަބްދުﷲ ޔާމީން އަބްދުލްގައްޔޫމް ސަރުކާރުގެ ނޭދެވޭ އަމަލުތަކުގެ ވާހަކަ ދެއްކުމުން، ސަސްޕެންޝަންގައި ހުންނެވި ޔޫތް މިނިސްޓްރީގެ ނައިބު ވަޒީރު މަރިޔަމް ޝިއުނާ ރުޅިގަދަވެއްޖެއެވެ.

ޝިއުނާ އޭނާގެ އެކްސްގައި ޕޯސްޓް ކުރައްވާ ރައީސް ޔާމީނަށް އިހުތިރާމް ކުޑަވާ ގޮތަކަށް ވަނީ ވާހަކަ ދައްކާފައެވެ.

ސަރުކާރު ދިފާއު ކުރުމުގެ ނަމުގައި ޝިއުނާ އަބަދުވެސް ސޯޝަލް މީޑިޔާގައި އެކި އެކި ފަރާތްތަކަށް ބަދު ބަސް ބުނެއެވެ.

އެގޮތުން ހޯމަ ދުވަހުގެ ރޭ ފްރޮންޓް އޮފީހުގައި ބޭއްވި ޖަލްސާގައި ރައީސް ޔާމީން ވަނީ މި ސަރުކާރުގެ ހަގީގަތް ހާމަކޮށްދެއްވާފައެވެ.

އަދި އޭގެއިތުރުން ރައީސް ޑރ މުއިއްޒު ހުވާ ކުރެއްވި ދުވަހު ދިދަޔާ މުހާތަބު ކުރައްވާ ދެއްކެވި ވާހަކަތަކުގައި މިއަދު އެއްވެސް އަގެއް ނެތް ކަމަށް ވެސް ރައީސް ޔާމީން ވަނީ ވިދާޅުވެފައެވެ.

ސަރުކާރުން ހިންގަމުންދާ ބޮޑެތި ޖަރީމާތަކާއި އޭރު އިދިކޮޅުގައި އޮވެ ރައީސް ޔާމީންގެ ޝަރީއަތްތަކަށް ނުފޫޒު ފޯރުވުމަށްޓަކައި މަޖިލިސް ރައީސް އަދި ޕީއެންސީގެ ޗެއާރ ޕާސަން އަދުރޭ ކަންތައް ކުރެއްވި ގޮތުގެ ވާހަކަތައް ހާމަކުރެއްވުމުން ޝިއުނާ ވަނީ ވަރަށް ބޮޑަށް ރުޅިއައިސްފައެވެ.

އެގޮތުން އެމަނިކުފާނަށް ފާޑު ވިދާޅުވެ އެކްސްގައި ޕޯސްޓް ކުރުމުން ގިނަ ބަޔެއްގެ ފާޑުކިޔުން ޝިއުނާއަށް ވަނީ އަމާޒުވެފައެވެ.