ބޭރު ގައުމުތަކުގައި ކިޔަވަމުންދާ ދަރިވަރުންނަށް ދޫކުރާ ޑޮލަރުގެ މިންވަރު މަދުކޮށްފައިވާ ކަން ހާމަވެއްޖެއެވެ.
އެގޮތުން ބޭންކް އޮފް މޯލްޑިވިސްއިން، ބޭރު ގައުމުތަކުގައި ކިޔަވަމުންދާ ދަރިވަރުންނަށް ފޮނުވި ނޯޓިސްއެއްގައި ވަނީ، ބޭރަށް ބޭސްފަރުވާއަށާއި ކިޔެވުމަށް ދާ ދިވެހިންނަށް ބީއެމްއެލްއިން ޑޮލަރު ވިއްކަނީ މޯލްޑިވްސް މަނިޓަރީ އޮތޯރިޓީ (އެމްއެމްއޭ)ގެ ގައިޑްލައިންތަކުގައިވާ ގޮތުގެ މަތިން ކަމަށެވެ.
އެހެންކަމުން މިހާރު އެ ގައިޑްލައިނަށް ބަދަލުތަކެއް އައިސްފައިވާތީ ދަރިވަރުންނަށް ވިއްކާ ޑޮލަރު ނުވަތަ ސްޓައިޕެންޑް ދޭ ގޮތަށް ވެސް ބަދަލުގެނެސްފައިވާ ކަމަށެވެ. އަދި މީގެ ފަހުން ސްޓައިޕެންޑްގެ ގޮތުގައި ޑޮލަރު ވިއްކާނީ، މަތީ ތައުލީމާ ބެހޭ މިނިސްޓްރީން ކަނޑައަޅާފައިވާ ސްޓައިޕެންޑް ރޭޓާ އެއްގޮތްވާ ގޮތުގެ މަތިން ކަމަށެވެ.
އެ ރޭޓުތައް މިނިސްޓްރީގެ ވެބްސައިޓުން ފެންނަން ހުންނާނެ ކަމަށާއި، އެޑްވާންސްކޮށް ސްޓައިޕެންޑް ދޭނީ ގިނަވެގެން ތިން މަހަށް ކަމަށް ވެސް ނޯޓިސްގައިވެއެވެ.
މިނިސްޓްރީގެ ސައިޓުން ފެންނަ ގޮތުގައި، މަތީ ތައުލީމާ ބެހޭ މިނިސްޓްރީން ބައެއް ގައުމުތަކަށް ކަނޑައަޅައިފައިވާ ރޭޓު މީގެ ކުރިން ބީއެމްއެލްއިން ދަރިވަރުންނަށް ދޫކުރަމުން އައި ސްޓައިޕެންޑަށް ވުރެ ދަށެވެ. ދިވެހި ދަރިވަރުން ތިބޭ ގިނަ ގައުމުތައް އޭގައި ހިމެނެއެވެ.
އެގޮތުން މިއައި ބަދަލާއެކު ދެން ދަރިވަރުންނަށް ލިބޭނެ ސްޓައިޕެންޑަށް ބަލާއިރު،
މިއާ އެކު ބޭރުގައި ތިބި ދަރިވަރުންނަށް ޑޮލަރުގެ ތާށިކަން އައިސް ދިރިއުޅުމުގެ ކަންކަން ހަމަޖެއްސުމުގައި ތަކް؛ީފުތަކަކާ ކުރިމަތިލާން ޖެހޭނެކަމުގެ ކަންބޮޑުވުން ބެލެނިވެރިން ވަނީ ކުރަން ފަށާފައެވެ.
