މަސްވެރިންނަށް ފައިސާ ނުދީ އެމީހުން ހާލުގައި ޖެއްސުމުން މި ސަރުކާރަށް މަޢާފެއް ނުކުރާނެ ކަމަށް މަސްވެރިން ބުނެފިއެވެ.
މަސްވެރިއަކު އެކްސްގައި ކުރި ޕޯސްޓެއްގައި ބުނެފައި ވަނީ މިފަދަ ނުރައްކާތެރި މަސައްކަތެއް ކުރަން އެމީހުން ނިކުންނަނީ އާމްދަނީ ހޯދުމަށް ކަމަށެވެ. މި މަސައްކަތް ކުރާހިތުން ކަމަަށެވެ.
އެ މަސްވެރިޔާ ވަނީ އޭނާގެ ޝުއޫރުތައް ޕޯސްޓުގައި ފާޅުކޮށްފައިއެވެ. އަދި މިފަދައިން އެމީހުންނަށް ހައްގު ފައިސާ ނުލިބޭތީ އެކަމާއި މެދު ހިތާމަ ފާޅުކޮށްފައިއެވެ.
އަހަރެން ފުޅި އަޅައިގެން ފީނަން ދަސްކޮށް، 'ޑައިވް މާސްޓާ' ހެދީ، މަސް ދޯންޏެއްގަ އެން ޑައިވަރަކަށް ވާން ބޭނުން ވާތީ. ކަމަށް ހުންނަ ޝައުގު ބޮޑު ކަމުން.
މަސްވެރިޔާގެ ޕޯސްޓުގައި ބުނެފައިވެއެވެ.
ފަތިހުގެ ކަނު އަނދިރީގައި އެ ފިނީގައި މި މަސްވެރިން އެން ނަގަނީވެސް 55 މީޓަރު އަޑީގައި އޮވެ 100 ފޫޓުގެ ދަލެއް ދަމައިގެން ކަމަަށްވެސް އޭނާބުންޏެވެ.
އެހެންނަމަވެސް މިފަދަ ނުރައްކާތެރި މަަސައްކަތަށް ފަހުގައި ވެސް ގެއަށް ބޭނުންވާ ޒަރޫރީ ސާމާނު ނުލިބޭ ކަމަށާއި އޭނާގެ ދަރިފުޅުގެ ސްކޫލު ފީވެސް ދެއްވޭ ވަރަށް ފައިސާ ނުލިބޭ ކަމަށް އޭނާ ބުންޏެވެ.
މިއީ އިންސާފުވެރިކަމެއް ނޫނެެވެ. މިކަމާ ގުޅިގެން ރާއްޖޭގެ އެކި ސަރަހައްދުތަކުގައި މަސްވެރިން އަންނަނީ މުޒާހަރާ ކުރަމުންނެވެ.
