މައްސަލައެއް ބަލަމުންދާކަމަށް ބުނެ ރައީސް އޮފީހުގެ މިނިސްޓާރ އަދި ރައީސް މުއިއްޒުގެ އަރިސް ބޭފުޅުންތެރޭގައި ހިމެނިވަޑައިގެންނަވާ އާދަމް ރަޒީމު މިނިސްޓަރުކަމުން ސަސްޕެންޑްކޮށްފި އެވެ.
މިކަން "ތޭރަ އޮންލައިން" އަށް ރައީސް އޮފީހުގެ އިސް ތަރުޖަމާނު ހީނާ ވަލީދު ވަނީ ކަށަވަރު ކޮށްދީފައެވެ.
ނަމަވެސް ބަލަމުން ގެންދަނީ ކޮން މައްސަލައެއް ކަމެއް ރައީސް އޮފީހުން ހާމަކޮށްފައިނުވެއެވެ.
ރަމީޒު ސަސްޕެންޑްކޮށްފައި ކުރީ އޭނާގެ ކުރީގެ އަނބިކަނބަލުން އަދި އެންވަޔަރަމަންޓް މިނިސްޓްރީގެ ސްޓޭޓް މިނިސްޓަރު ފާތިމަތު ޝަމްނާޒް ރައީސް ޑރ މުހައްމަދު މުއިއްޒާ ގާތްވުމަށް ސިހުރު ހެދިކަމަށް ތުހުމަތުކޮށް ހައްޔަރުކޮށްފައިވާ ވަނިކޮށްށެވެ.
ފުލުހުން މީޑިޔާއަށް ހާމަކުރި ގޮތުގައި ޝަމްނާޒް އާއި އިތުރު ދެމީހަކު ހައްޔަރުކޮށްފައިވަނީ އާދިއްތަ ދުވަހުއެވެ.
ޝަމްނާޒްގެ އިތުރުން ހައްޔަރުކޮށްފައިވާ ދެ މީހުންގެ ވަނަވަރު ފުލުހުން ވަނީ ސިއްރުކޮށްފައެވެ. ނަމަވެސް "ތޭރަ އޮންލައިން" އަށް މައުލޫމާތު ލިބުނު ގޮތުގައި ފުލުހުން ހައްޔަރުކޮށްފައިވަނީ ޝަމްނާޒް އާއި އާއިލީ ގޮތުން ގުޅުން އޮންނަ ބައެކެވެ.
