މޯލްޑިވްސް މަނިޓަރީ އޮތޯރިޓީ (އެމްއެމްއޭ)ގެ ގަވަރުނަރު އަލީ ހާޝިމް އޭނާގެ މަގާމުން ވަކިކުރަން ރައީސް ޑރ. މުހައްމަދު މުއިއްޒަށް ލަފާ ދޭން ރައްޔިތުންގެ މަޖިލީހުގެ މާލިއްޔަތު ކޮމިޓީން ފާސްކޮށްފިއެވެ.
ގަވަރުނަރު ހާޝިމް ވަކިކުރުމުގެ މައްސަލަ މާލިއްޔަތު ކޮމިޓީއަށް ހުށަހެޅުއްވީ މަޖިލީހުގެ ނައިބު ރައީސް އަދި ދިއްގަރު ދާއިރާގެ މެމްބަރު އަހުމަދު ނާޒިމެވެ.
ނާޒިމް އެ މައްސަލަ ހުށަހަޅުއްވަމުން ވިދާޅުވީ ގަވަރުނަރު ވަކިކުރަން ލަފާ ދެނީ ގައުމުގެ އިގުތިޞާދު ހީނަރުވެ އަލުން އަނބުރާ އިޔާދަކުރަން އުނދަގޫ ހިސާބަކަށް ދިޔައިރު އެމްއެމްއޭއަށް މަނިޓަރީ ޕޮލިސީ ހިންގޭ މަންޒަރު ފެންނަމުން ނުދާ ކަމަށެވެ.
އެގޮތުން ނާޒިމް ވަނީ 3 ކަމެއް ފާހަގަކުރައްވާފައެވެ.
އެއީ:
އެމްއެމްއޭ ގާނޫނުގެ ދަށުން، އެ އޮތޯރިޓީގެ ގަވަރުނަރު ވަކިކުރަން ރައީސްއަށް ލަފާދިނުމަކީ މަޖިލީހަށް ކުރެވޭނެ ކަމެއް ކަން ފާހަގަކޮށްލެވެއެވެ.
އިގްތިޞާދީ ގޮތުން ކަންބޮޑުވާން ޖެހޭ އެއްވެސް ކަމެއް ނެތް ކަމަށް ވިދާޅުވެ ވެރިކަމަށް އަައުމަށްފަހު 7 މަސްވެގެން ދިޔައިރު ރާއްޖޭގެ އިގްތިޞާދީ ހާލަތު ދަށަށް ވައްޓާލައިފައިވަނީ މި ސަރުކާރުން ކަމަށް ގިނަ ބަޔަކު ތުހުމަތު ކުރެއެވެ.
އެގޮތުން އެއްވެސް ހައްދެއް ނެތި ސިޔާސީ މުވައްޒަފުން އައްޔަންކޮށް މުސާރަ ދިނުމާއި ބޭރުގެ ގައުމުތަކަށް ވަޑައިގެން މިލިއަނުން ހަރަދު ކުރުން ހިމެނެއެވެ.
