ސިޔާސީ މަގާމުތަކުގައި ތިބި މީހުންގެ އަދަދާއި ސަރުކާރުގެ ކުންފުނިތަކުން މުސާރައަށް ހޭދަކުރާ މިންވަރު ހާމަ ކުރަން ލާޒިމުވާ ގޮތަށް އެމްޑީޕީގެ ފަރާތުން ހުށަހެޅި ކުއްލި މައްސަލަ ބޭރުކޮށްލައިފި އެވެ.

އެމްޑީޕީގެ ފަރާތުން އެ ގަރާރު މަޖިލީހަށް ހުށަހެޅުއްވީ ގަލޮޅު ދެކުނު ދާއިރާގެ މެމްބަރު މީކާއީލް އަހުމަދު ނަސީމެވެ.

އެ ގަރާރު ބަލައިގަތުމަށް ވޯޓު ދިނީ އެންމެ 11 މެންބަރުންނެވެ. ގަރާރު ބަލައިގަތުމާ ދެކޮޅަށް 56 މެމްބަރަކު ވޯޓު ދިނެވެ. ކުއްލި މައްސަލަ ބަލައިގަތުމަށް ވޯޓު ދިނީ އެމްޑީޕީގެ 11 މެމްބަރެކެވެ.

މިކަމާ މީކާއިލް ވަނީ ކަންބޮޑުވުން ފާޅުކޮށްފައެވެ.

މީކާއިލް އިތުރަށް ވިދާޅުވީ މި ސަރުކާެރުން އަންނަނީ ސިޔާސި މަގާމްތަކުގެ އަދަދާއި މުސާރަ ވެސް ފޮރުވަމުންކަމަށެވެ.

ސަރުކާރުން މިހާތަނަށް 3000 އަށްވުރެ ގިނަ ފަރާތްތައްް ސިޔާސީ މަގާމްތަކަށް އައްޔަންކޮށްފައިވާކަމަށް ވަނީ މައުލޫމާތު ލިބިފައެވެ.